Еўрапейцы лічаць, што ЗША не зрабiлi свет больш бяспечным пасля 11 верасня

© Sputnik / Григорий Сысоев / Перайсці ў медыябанкГарады свету. Парыж
Гарады свету. Парыж - Sputnik Беларусь
Падпісацца
Пасля тэрарыстычнай атакі 11 верасьня 2001 года ЗША прынялі шэраг мер, закліканых узмацніць ўнутраную і міжнародную бяспеку.

МІНСК, 8 вер — Sputnik.  Паводле дадзеных апытання Sputnik.Меркаванне, большасць жыхароў Германіі (74%), Францыі (65%) і Італіі (63%) лічаць, што меры ЗША па супрацьдзеянні тэрарызму пасля тэрактаў 11 верасня не падвысілі бяспеку ў свеце.

Жыхары ЗША, наадварот, менш скептычна ставяцца да дзеянняў сваёй краіны па павышэнню бяспекі ў свеце: 54% сказалі, што іх краіна паспяхова вядзе барацьбу з тэрарызмам, 39% выказаліся супраць, 7% абралі адказ "не ведаю". Дадзеныя былі атрыманыя ў выніку апытання, праведзенага даследчай кампаніяй Ifop па замове інфармацыйнага агенцтва і радыё Sputnik.

Пасля тэрарыстычнай атакі 11 верасьня 2001 года ЗША прынялі шэраг мер, закліканых узмацніць унутраную і міжнародную бяспеку: так, быў прыняты "Патрыятычны акт", які пашырае правы ФБР па зборы дадзеных аб грамадзянах і кампаніях у ЗША і за мяжой.

З мэтай памяншэння тэрарыстычнай пагрозы была ажыццёўлена ваенная інтэрвенцыя ў Афганістан і Ірак. На пытанне "На ваш погляд, ці зрабілі меры, прынятыя ЗША па супрацьдзеянні тэрарызму пасля тэрактаў 11 верасня, бяспечнейшым жыццё ў свеце" толькі 20% немцаў, 24% французаў і 30% італьянцаў адказалі "так". Адказ "не ведаю" абралі 6% рэспандэнтаў у Германіі, 11% у Францыі і 7% у Італіі.

Апытанне было праведзена найстарэйшай у Францыі кампаніяй, якая займаецца апытаннямі грамадскай думкі, IFop з 28 чэрвеня па 4 ліпеня 2016 года ў Германіі, Францыі і Італіі, і з 26 па 30 жніўня ў ЗША.

Усяго ў апытанні прынялі ўдзел 4015 рэспандэнтаў з Германіі (1000 чал.), Францыі (1004 чал.), Італіі (1002 чал.) і ЗША (1009 чал.), старэйшыя за 18 гадоў.

Выбарка рэпрэзентуе насельніцтва паводле полу, узросту і геаграфіі. Максімальная памылка выбаркі для дадзеных у цэлым па краіне складае 3,1% пры давернай верагоднасці 95%.

Даведка аб праекце Sputnik.Меркаванне

Міжнародны праект па вывучэнні грамадскай думкі стартаваў у студзені 2015 года. Партнёрамі праекта выступаюць вядомыя даследчыя кампаніі Populus, Ifop і forsa. У рамках праекта Sputnik.Меркаванне рэгулярна праводзяцца апытанні грамадскай думкі ў краінах Еўропы і ЗША па найбольш актуальных сацыяльных і палітычных пытаннях.

Sputnik (sputniknews.com) — навінавае агенцтва і радыё з мультымедыйнымі інфармацыйнымі хабамі ў дзесятках краін. Sputnik уключае ў сябе сайты больш чым на 30 мовах, аналагавае і лічбавае радыёвяшчанне, мабільныя прыкладанні і старонкі ў сацыяльных сетках. Навінавыя стужкі Sputnik кругласутачна выходзяць на англійскай, арабскай, іспанскай і кітайскай мовах.

Стужка навiн
0