МІНСК, 11 вер — Sputnik. Як пераканаўся карэспандэнт Sputnik, у асартыменце буфета — не толькі традыцыйныя мясныя, мучныя і салодкія закускі, кава, чай і ахаладжальныя напоі, але і дэлікатэсы. На вітрынах буфета можна ўбачыць малочных парасят, запечанага цалкам фаршыраванага шчупака, а таксама торт — ён выкананы ў форме карты Беларусі, зверху надпіс "Выбары 2016".
Але больш за ўсё дзівіць наведвальнікаў буфета каўбасная баба — яна выканана з каўбас і сасісак вытворчасці Слуцкага мясакамбіната. Галава бабы зроблена з кавалка вэнджанай грудзінкі, жанчына ўпрыгожана вышытым у нацыянальных беларускіх традыцыях фартухом.
А вось разбяных гарбузоў і кабачкоў, якія былі багата прадстаўлены ў буфеце падчас прэзідэнцкіх выбараў, на гэты раз няма.
Чакаецца, што ў нядзелю — асноўны дзень выбараў — выбарчы ўчастак нумар адзін наведае прэзідэнт Беларусі Аляксандр Лукашэнка.
Тут жа будзе галасаваць і беларуская спявачка Ірына Дарафеева, якая балатуецца ў дэпутаты і стане госцем сённяшняга эфіру радыё Sputnik.
Сачыце за абнаўленнямі партала.
