АБСЕ: Мінск выканаў свае абавязацельствы часткова, але недастаткова

© Sputnik / Виктор ТолочкоПрэс-канферэнцыя АБСЕ
Прэс-канферэнцыя АБСЕ - Sputnik Беларусь
Падпісацца на
НовостиTelegram
Назіральнікі АБСЕ заявілі, што расчараваныя недастатковым прагрэсам у частцы арганізацыі выбараў, і заклікалі афіцыйны Мінск правесці комплексныя рэформы выбарчай сістэмы.

МІНСК, 12 вер — Sputnik. Беларусь мае патрэбу ў комплекснай выбарчай рэформе, заявіў журналістам у панядзелак каардынатар АБСЕ ў рэспубліцы Кент Херштэдт.

Члены выбаркама рыхтуюцца да падліку галасоў - Sputnik Беларусь
ШАС і назіральнікі СНД прызналі выбары ў РБ легітымнымі і празрыстымі

"Мы адзначаем нераўнамернае выкананне зробленых абяцанняў", — заявіў Харстэд. Паводле яго слоў, напярэдадні выбараў улады зрабілі шэраг абяцанняў па ўдасканаленні заканадаўства і выкананню рэкамендацый БДІПЧ АБСЕ, але ў выніку "выканалі іх часткова, але недастаткова поўна".

"Беларусь чакае яшчэ шлях для выканання дэмакратычных абавязацельстваў. Улады Беларусі выканалі не ўсе свае абавязацельствы па празрыстасці выбараў. Дзесьці мы бачылі прагрэс, а дзесьці — не. Абяцанні былі выкананы нераўнамерна. Але варта было б выканаць усе свае абяцанні", — заявіў прадстаўнік АБСЕ ў панядзелак.

Херштэдт выказаў надзею, што абраны парламент працягне дэмакратызацыю ў рэспубліцы.

© Sputnik / Виктор Толочкокаардынатар АБСЕ ў РБ Кент Херштэдт
Координатор ОБСЕ в республике Кент Херштедт  - Sputnik Беларусь
каардынатар АБСЕ ў РБ Кент Херштэдт

"Мы засмучаны, бо мы чакалі ўбачыць больш значны прагрэс. І за гэты год можна было змяніць многае", — працягнуў каардынатар АБСЕ.

Сярод асноўных заўваг Херштэдт пералічыў тыя, якія ўжо агучваліся пасля папярэдніх выбараў: адсутнасць апазіцыі ў выбарчых камісіях, адсутнасць роўных умоў для кандыдатур і шэраг іншых.

Прэс-канферэнцыя ў Інфацэнтры ЦВК - Sputnik Беларусь
Рэспубліка выканала большасць рэкамендацый АБСЕ падчас выбараў

"У саміх выбарах таксама важна мець большую колькасць апазіцыйных кандыдатаў. Мы ўключалі гэтую тэму ў свае рэкамендацыі неаднаразова і не ўбачылі прагрэсу як такавога", — адзначыў Херштэдт і пазней дадаў, што ад апазіцыі кандыдатаў усё роўна было досыць шмат.

"Але лічбы не адлюстроўваюць усёй гісторыі. Некаторыя кандыдаты ўдзельнічалі ў выбарах проста для стварэння брэнда або папулярызацыі партыі, многія адразу адчувалі, што шанцаў у іх няма", — растлумачыў ён і дадаў, што прысутнасць канкурэнцыі — гэта ўжо добра.

Яшчэ адзін прадстаўнік міжнародных назіральнікаў, Івана Добешава, адзначыла, што ў парламент патрапілі два апазіцыйных кандыдаты. Аднак, сказала яна, у краіне адсутнічае "неабходная для адкрытых дыскусій галоснасць".

© Sputnik / Виктор ТолочкоСтаршыня місіі назіральнікаў ад АБСЕ Тана Зулуета
Глава миссии наблюдателей от БДИПЧ ОБСЕ Тана де Зулуета  - Sputnik Беларусь
Старшыня місіі назіральнікаў ад АБСЕ Тана Зулуета

Заклікала Добешава аднавіць і дыскусію пра будучыню краіны.

Заходнія назіральнікі прызналі, што ім былі створаныя ўсе ўмовы для працы. Кіраўнік місіі назіральнікаў ад БДІПЧ АБСЕ Тана дэ Зулуета таксама высока адзначыла гасціннасць і дапамогу ўладаў Беларусі. Паводле яе слоў, эксперты БДІПЧ застануцца ў рэспубліцы і ў найбліжэйшыя дзесяць дзён — назіраць за падвядзеннем вынікаў і разглядам скаргаў падчас выбарчай кампаніі.

На абвяшчэнне папярэдняй справаздачы назіральнікаў прыйшлі і некаторыя еўрапейскія дыпламаты, а таксама экс-амбасадар ЗША ў Беларусі Скот Роланд.

Парламенцкія выбары прайшлі ў Беларусі 11 верасня, ва ўсіх 110 выбарчых акругах былі абраныя дэпутаты ніжняй палаты парламента. Яўка, па папярэдніх дадзеных, склала 74,32% выбаршчыкаў ад уключаных у спісы.

Стужка навiн
0