МІНСК, 14 вер — Sputnik. Рыжскі вагонабудаўнічы завод з 1960-х гадоў вырабіў больш за шэсць тысяч трамваяў, адзін з якіх ператвораць у кафэ на вуліцы Кастрычніцкай у рамках фестывалю Vulica Brasil, распавёў карэспандэнту Sputnik адзін з арганізатараў Vulica Brasil Захар Шлімакоў.
"Гаворка ідзе пра трамваі РВЗ-6 вытворчасці RVR (Рыжскі вагонабудаўнічы завод), такіх пабудавана больш за 6000 штук. Перажыванні марныя — такіх трамваяў шмат у Беларусі. І наўрад ці абывацелі абмяркоўвалі трамвай да яго з'яўлення на фестывалі", — падзяліўся сваім меркаваннем аб праблеме Шлімакоў, які зараз займаецца арганізацыяй мерапрыемства "Jam Market Ежа". Падзея адбудзецца ў рамках закрыцця фестывалю Vulica Brasil.
Арт-стрыт фестываль Vulica Brasil вырашыў працягнуць напаўняць Кастрычніцкую вуліцу новым зместам і папрасіў у горада некалькі старых непатрэбных трамваяў.
"Ужо 17 верасня сумесна з Kitchen Coffee Roasters і Tea Pigs мы зробім у трамваі pop-up кафэ. Дарэчы, у жадаючых ёсць магчымасць адкрыць сезонны бар або кафэ ў трамваі на Кастрычніцкай у наступным годзе", — распавёў пра планы на трамвай Шлімакоў.
Між тым, трамвай, які аддадзены на водкуп мастакам, восем гадоў захоўваўся для музея трамваяў, які планавалі адкрыць у Мінску. Жыхары горада занепакоіліся тым, што чырвона-жоўты трамвайчык, які выклікае настальгію, будзе аддадзены на разарванне п'янюгам і, магчыма, вандалам, бо будзе стаяць проста на вуліцы.
Шлімакоў перажыванні мінчан пракаментаваў проста.
"Настальгія — хвароба", — заявіў ён і паклікаў жыхароў горада на закрыццё фестывалю 17 верасня, каб бліжэй разгледзець трамвай у яго новым статусе.
