Відэа

Пуцін заклікаў расіян ісці на выбары

Прэзідэнт Расіі Уладзімір Пуцін выступіў са зваротам да грамадзян РФ у сувязі з выбарамі ў Дзяржаўную думу, якія адбудуцца 18 верасня.

"Разлічваю на вашу адказную, узважаную грамадзянскую пазіцыю. Заклікаю прыйсці на выбарчыя ўчасткі, прагаласаваць, выказаць сваю пазіцыю", — сказаў прэзідэнт.

Выбары ў Дзярждуму адбудуцца 18 верасня па змяшанай сістэме: 225 дэпутатаў будуць абірацца па партыйных спісах, 225 — па аднамандатных акругах. У гэты ж дзень адбудуцца выбары заканадаўчага сходу ў 39 рэгіёнах краіны, у сямі суб'ектах адбудуцца прамыя выбары вышэйшых службовых асоб, таксама запланавана правядзенне каля 5 тысяч муніцыпальных кампаній. Каля 100 выбарчых участкаў на выбарах у Дзярждуму будуць адкрыты ў нядзелю для грамадзян РФ, якія знаходзяцца за мяжой у краінах СНД, Балтыі, Абхазіі і Паўднёвай Асеціі.

Грамадзяне РФ змогуць прыняць удзел на выбарах у Дзярждуму нават ва Украіне, дзе пагражалі забараніць правядзенне галасавання. Афіцыйны прадстаўнік МЗС РФ Марыя Захарава запэўніла, што выбарчыя ўчасткі на тэрыторыі Украіны будуць створаны ў пасольстве Расіі ў Кіеве і генеральных консульствах.

У адпаведнасці з Федэральным законам РФ "Аб выбарах дэпутатаў Дзяржаўнай думы Федэральнага сходу РФ" і ўказам прэзідэнта РФ галасаванне па выбарах дэпутатаў Дзяржаўнай Думы будзе праводзіцца 18 верасня 2016 года з 08:00 да 20:00.

"На тэрыторыі Беларусі будуць арганізаваны сем участкаў для галасавання — у Мінску, Брэсце, Віцебску, Гродне, Магілёве і Бабруйску… Чалавек, які валодае расійскім пашпартам, незалежна ад месца пражывання, а значыць і які пражывае на Украіне, можа прагаласаваць на любым з гэтых участкаў", — паведаміла афіцыйны прадстаўнік амбасады РФ у Мінску Наталля Манастырская. Паводле інфармацыі дыпмісіі, у Мінску выбарчы ўчастак будзе арганізаваны ў пасольстве РФ (вул. Нававіленская, в. 1А), у Брэсце — у генеральным консульстве РФ (вул. Пушкінская, д. 10), у Гродне — у Гродзенскай гарадской гімназіі (вул. Парыжскай Камуны, д. 3). У Бабруйску можна будзе прагаласаваць па вуліцы Сацыялістычнай, д. 90 у Бабруйскім філіяле Беларускага дзяржаўнага эканамічнага універсітэта, у Віцебску — у Цэнтры культуры "Віцебск" (вул. Маякоўскага, д. 1), у Гомелі — па вуліцы Ланге, д. 17 у гомельскім абласным грамадска-культурным цэнтры, у Магілёве — у ліцэі Беларуска-расійскага ўніверсітэта (вул. Ленінская, д. 61).

У галасаванні змогуць прыняць удзел выбаршчыкі, якія прад'явілі пашпарт або дакумент, які замяняе пашпарт грамадзяніна Расійскай Федэрацыі, нагадалі ў амбасадзе.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі