Расія можа спыніць пастаўкі прадуктаў з чатырох абласцей Беларусі

© Sputnik / Александр Кряжев / Перайсці ў медыябанкКаўбаса
Каўбаса - Sputnik Беларусь
Падпісацца на
НовостиTelegram
Паводле дадзеных расійскага ведамства, у бягучым годзе ў рэспубліку на мяжы было вернута больш за 200 партый малочнай і мясной прадукцыі.

МІНСК, 16 вер — Sputnik. Расія можа часова абмежаваць увоз жывёлагадоўчай прадукцыі з чатырох абласцей Беларусі — Брэсцкай, Мінскай, Віцебскай і Гомельскай, гаворыцца ў паведамленні Рассельгаснагляду.

Як паказаў аналіз ведамства, за восем месяцаў бягучага года па прычыне выдачы дакументаў з авансавымі датамі выпрацоўкі, паўторнага кляймення мяса, нездавальняючага санітарнага стану транспартных сродкаў і самой прадукцыі, а таксама няправільна запоўненых суправаджальных дакументаў толькі на беларуска-расійскай мяжы вернута больш за 200 партый малочнай і мясной прадукцыі.

"Негатыўная дынаміка пералічаных парушэнняў паказвае на фармальны падыход да ажыццяўлення сваіх паўнамоцтваў па арганізацыі кантролю за перамяшчэннем тавараў галоўных дзяржаўных ветэрынарных інспектараў некаторых абласцей Рэспублікі Беларусь (у прыватнасці, Мінскай, Гомельскай, Віцебскай і Брэсцкай), што можа прывесці да ўвядзення Рассельгаснаглядам часовых абмежаванняў на пастаўкі прадукцыі з названых рэгіёнаў у Расію", — гаворыцца ў паведамленні Рассельгаснагляду.

У ведамстве таксама адзначаюць, што Мінсельгасхарч Беларусі практычна не прадстаўляе інфармацыі аб прынятых мерах у дачыненні да вернутай прадукцыі. Акрамя таго, таксама няма дадзеных аб прыцягненні да адказнасці асоб, якія дапусцілі парушэнні пры адгрузцы.

Стужка навiн
0