Попыт на шэрынг-тэхналогіі, гэта значыць магчымасць сумеснага карыстання таварам альбо паслугай, з боку спажыўца будзе расці, лічыць кіраўнік "Белгазпрамбанка" Віктар Бабарыка.
"Яскравы прыклад: вы купляеце машыну і ездзіце на ёй дзве гадзіны ў дзень, але наогул вы за яе заплацілі, і яна можа ездзіць дваццаць чатыры гадзіны ў дзень. Той, хто навучыцца рабіць так, каб яго прадметам карысталіся 24 гадзіны ў суткі — гэта будзе бомба, гэта вельмі цікавая гісторыя", — растлумачыў ён.
Што датычыцца лагістыкі, то тут, на думку Бабарыкі, будзе дамінаваць і пераможа рабатызаваная лагістыка, без удзелу чалавека, таму што "для гэтага не патрэбныя людзі".
Кіраўнік "Белгазпрамбанка" ўпэўнены, што свет прыходзіць да неабходнасці выкарыстання крыптавалют і іншых электронных фінансавых тэхналогій. Таму, мяркуе ён, для Беларусі стаіць пытанне аб выбары шляху развіцця — застацца запаведнікам СССР або стаць лічбавай Швейцарыяй.
Поўную версію інтэрв'ю радыё Sputnik Беларусь з Віктарам Бабарыка слухайце ў аўдыёзапісу.
