МІНСК, 22 вер — Sputnik. У сталіцы праходзіць Дзень без аўтамабіля. Сёння ўсе, хто адмовіўся ад машыны і паехаў на працу на грамадскім транспарце, могуць карыстацца ім бясплатна — толькі трэба не забыць тэхпашпарт і пасведчанне кіроўцы. А тым, хто вырашыў дабрацца на працу на ровары, бясплатна раздаюць садавіну.
Супрацоўнікі ДАІ хоць і не былі ініцыятарамі гэтага мерапрыемства (Дзень без аўто праходзіць у Мінску ў рамках Еўрапейскага тыдня мабільнасці — Sputnik), з задавальненнем падтрымалі ідэю хоць бы аднадзённай адмовы ад аўто.
Акцыю па заахвочванню аўтамабілістаў, перасеўшых на ровары, правялі ў Мінску супрацоўнікі ДАІ Фрунзенскага РУУС.
Старшы інспектар агітацыі і прапаганды Алёна Воўчак уручыла падарункі і садавіну ўсім удзельнікам акцыі, якія прад'явілі пасведчанне кіроўцы і тэхпашпарт аўтамабіля, але прыехалі на ровары.
У Беларусі, як і ва ўсім свеце, сёння адзначаюць Дзень без аўтамабіля. У сталіцы маштабнае экасвята разгарнулася на вуліцы Леніна. У сувязі з падрыхтоўкай мерапрыемства з 6-й раніцы быў перакрыты праезд на ўчастку ад праспекта Незалежнасці да вуліцы Кірава. Таму для тых, хто не захацеў перасесці з аўто на больш экалагічныя віды транспарту, жыццё сёння моцна ўскладнілася — гарадскія коркі былі большымі, чым звычайна.
Зрэшты, мяркуючы па іх шчыльнасці, стаць на дзень пешаходам ці веласіпедыстам рашылася не так і шмат мінскіх кіроўцаў.
