Дата пачатку працы першага ў Беларусі навагодняга базару выбрана не выпадкова — з пятніцы да Новага года застанецца роўна 100 дзён, паведаміла радыё Sputnik Беларусь прэс-сакратар галоўнага ўпраўлення спажывецкага рынку Мінгарвыканкама Анастасія Прымака.
Паводле яе слоў, кошт ёлачных шароў будзе пачынацца ад 48 капеек, штучных елак — ад 8,6 рубля, а электрагірлянды — ад 11 рублёў 60 капеек.
Распавяла спецыяліст і пра перавагi беларусаў.
"У мінулым годзе з'явіліся і адразу сталі папулярныя цацкі з вышыванкай, такія шкляныя велізарныя шары белага колеру з чырвоным арнаментам, вельмі прыгожыя. Заўсёды карыстаюцца попытам незвычайныя цацкі", — сказала Прымака.
Больш падрабязна пра тое, што чакае наведвальнікаў ЦУМа падчас урачыстага адкрыцця першага навагодняга базару, слухайце ў аўдыёзапісы.
