"Ганаровага палешука" абралі ў Ляскавічах

© Sputnik / Мария Амелина"Покліч Палесся-2016"
Покліч Палесся-2016 - Sputnik Беларусь
Падпісацца на
НовостиTelegram
Тысячы людзей прыехалі ў аграгарадок Петрыкаўскага раёна Гомельскай вобласці на Міжнародны фестываль этнакультурных традыцый "Покліч Палесся".

МІНСК, 25 вер — Sputnik. Міжнародны фестываль этнакультурных традыцый "Покліч Палесся" адбыўся ў аграгарадку Ляскавічы (Петрыкаўскі раён) у чацвёрты раз, традыцыйна на фестывалі ганаровым званнем "Ганаровы паляшук" адзначаны людзі, якія зрабілі значны ўнёсак у сацыяльна-эканамічнае і культурнае развіццё Палесся.

Сёлета "Ганаровым паляшуком" стаў народны артыст Беларусі, мастацкі кіраўнік Нацыянальнага акадэмічнага хору імя Г. І. Цітовіча Міхаіл Дрынеўскі, яму ўручаны ганаровы дыплом і сімвалічную статуэтку.

Ганаровым званнем таксама былі адзначаны былы генеральны дырэктар ААТ "Мазырскі НПЗ" Анатоль Купрыянаў і старшыня СВК "Фядорскі" Столінскага раёна Рыгор Дзямко. Дарэчы, два гады таму такое званне і тыдзень адпачынку ў Нацыянальным парку "Прыпяцкі" атрымаў Аляксандр Лукашэнка.

У цырымоніі адкрыцця фестывалю ўзялі ўдзел больш за 300 артыстаў з Беларусі, Расіі, Украіны, Польшчы, Малдовы, Латвіі. Гледачоў віталі таксама творчыя калектывы, якія ўдзельнічалі ў розных фестывалях у Гомельскай вобласці на працягу года. Міжнародны фестываль этнакультурных традыцый "Покліч Палесся" адбыўся ў аграгарадку Ляскавічы (Петрыкаўскі раён) у чацвёрты раз.

Сёлета насычаная праграма форуму ўключала канцэрт-прэзентацыю традыцыйнай музычнай культуры Палесся і фестывальных брэндаў Гомельшчыны. Уздоўж Прыпяці раскінулася "Палеская вёска" — кіламетр стылізаваных падворкаў, гаспадары якіх паказалі фрагменты старадаўніх летніх і восеньскіх каляндарна-земляробчых і сямейна-бытавых свят і абрадаў.

Вёс

Бліжэй да вечара адбылося маляўнічае дэфіле ад дзяўчат з глыбінкі — конкурс прыгажосці "Палеская прыгажуня". За тытул і залатое ўпрыгожванне змагаюцца 14 незамужніх дзяўчат, якія выйшлі да гледачоў у нацыянальных касцюмах і калекцыях беларускіх дызайнераў.

Песні і танца — толькі частка праграмы. Па словах спецыялістаў, унікальнасць Прыпяцкага Палесся патрабуе яго глыбокага канцэптуальнага вывучэння гісторыкамі, этнографамі і культуролагамі.

Да афіцыйнага адкрыцця фестывалю ў Жыткавіцкім раёне чатыры дні працаваў этнаграфічны лагер "Сакрэты майстэрства" з удзелам рамеснікаў, навуковых супрацоўнікаў, студэнтаў профільных навучальных устаноў. Даследаванне было накіравана на паглыбленае вывучэнне традыцыйных рамёстваў, промыслаў і побыту палешукоў, па выніках якога будзе выпушчаны тэматычны зборнік.

Першы "Покліч Палесся" прайшоў у 2010 годзе. З тых часоў гэта традыцыя: раз на два гады палешукі з Гомельскай і Брэсцкай абласцей нагадваюць аб сваёй самабытнасці. Праграма фестывалю пастаянна абрастае новымі "разыначкамі", але сутнасць застаецца нязменнай — захаванне і папулярызацыя этнакультурных традыцый. Званне "Ганаровы паляшук" прысвойваецца людзям, якія ўнеслі вялікі ўклад у сацыяльна-эканамічнае развіццё Беларускага Палесся, а таксама захаванне і папулярызацыю этнакультурных традыцый гэтага рэгіёну. Рашэнне прымаецца аргкамітэтам фестывалю.

Стужка навiн
0