МІНСК, 26 вер — Sputnik. Прахалоднае надвор'е прагназуюць сіноптыкі на гэтым тыдні ў Беларусі, пацяплее толькі да выходных, паведамілі ў Гідраметцэнтры.
"У бліжэйшыя дні захаваецца халаднаватае надвор'е, якое будзе вызначаць вобласць павышанага атмасфернага ціску, сфармаваная ў халодным паветры. У пятніцу з ростам атмасфернага ціску дажджоў стане менш, у краіну накіруюцца больш цёплыя паветраныя масы з паўднёвага захаду Еўропы, і надвор'е палепшыцца", — паведаміў Sputnik у панядзелак начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыёактыўнага забруджвання і маніторынгу навакольнага асяроддзя Дзмітрый Рабаў.
Паводле яго слоў, у аўторак ападкаў не чакаецца, уначы і раніцай у асобных раёнах прагназуецца слабы туман. Ноччу будзе +2..+8°C, днём чакаецца +10..+16°C.
У сераду, паводле яго слоў, месцамі пройдуць кароткачасовыя дажджы, тэмпература ноччу складзе ад +2..+9°C, днём прагназуецца +10..+16°C, па паўднёвым захадзе — да +18°C.
У чацвер надвор'е будзе вызначаць атмасферны фронт з Заходняй Еўропы, які прынясе на большую частку тэрыторыі кароткачасовыя дажджы. Ноччу будзе +4..+11°C, удзень +11..+17°C, па паўднёвым захадзе — да +19°C, сказаў Рабаў.
З 30 верасня па нядзелю, 2 кастрычніка, месцамі пройдуць кароткачасовыя дажджы. "Тэмпература ўначы складзе +6..+13°C, днём +14..+20°C, па поўдні +21..+23°C", — адзначыў Рабаў.
