МІНСК, 29 вер — Sputnik. Інфармацыі аб пацярпелых у Інданезіі ў выніку вывяржэння вулкана беларусах няма, заявіў журналістам у чацвер афіцыйны прадстаўнік МЗС рэспублікі Дзмітрый Мірончык. "Пасольства адсочвае сітуацыю. Не ў апошнюю чаргу таму, што ў нас бязвізавы рэжым. Па апошняй інфармацыі ад МНС Інданэзіі, частка турыстаў эвакуяваная, частка пажадала застацца", — паведаміў Мірончык.
Прадстаўнік МЗС дадаў, што інфармацыі аб пацярпелых і ахвярах пасля вывяржэння вулкана няма. Не звярталіся па дапамогу ў амбасаду і беларусы.
"Калі там і былі грамадзяне Беларусі, то з імі ўсё ў парадку", — падвёў вынік прадстаўнік Міністэрства замежных спраў.
На інданезійскім востраве Ламбок 28 верасня адбылося вывяржэнне вулкана Баруджарі. Сотні турыстаў былі паспяхова эвакуяваныя з яго схілаў.
