У панядзелак, 10 кастрычніка, на "Барысаў-Арэне" адбудзецца паядынак кваліфікацыйнага раўнду чэмпіянату свету па футболе 2018 года. У госці да беларусаў прыедзе зборная Люксембурга.
"Я заўзею за зборную Беларусі. Дарагія сябры, прыходзьце на "Барысаў-Арэну" на матч нашай футбольнай зборнай, давайце зробім гэтыя халодныя дзянькі па-сапраўднаму гарачымі", — сказала Талай у сваім звароце да заўзятараў.
Раней да беларусаў з заклікам наведаць гульню звярнуліся каментатар Уладзімір Навіцкі, пісьменнік Віктар Марціновіч, лідэр гурта "Без білета" Віталь Артыст і іншыя.
Стартавы свісток у матчы Беларусь — Люксембург прагучыць у 21:45.
