Міжнароднаму фестывалю Юрыя Башмета за 11 гадоў існавання ўдалося зрабіць велізарны крок наперад, лічыць беларускі піяніст і па сумяшчальніцтве мастацкі кіраўнік фестывалю Расціслаў Крымер.
"Ідэя фестывалю, калі я яго пачынаў, палягала акурат у тым, каб палепшыць сітуацыю з класічнай музыкай у нашай краіне. За 11 гадоў я бачу каласальныя вынікі і амалоджванне публікі. Калі спачатку сярэдні ўзрост нашага гледача быў у раёне 60-ці, то цяпер гэта 30-45 гадоў. Далучаць моладзь да класічнай музыкі сёння не так проста, і ніколі не было проста", — сказаў Крымер у інтэрв'ю радыё Sputnik Беларусь.
У 2006 годзе Расціслаў Крымер заснаваў Міжнародны фестываль Юрыя Башмета, які трыумфальна праходзіць не толькі ў лепшых канцэртных залах Беларусі, але таксама ў Расіі і Германіі. Ён жа з'яўляецца яго нязменным дырэктарам і мастацкім кіраўніком. Сёлета фестываль стартаваў 30 верасня канцэртнай праграмай "Масква-Вена", якую прадставілі піяніст Расціслаў Крымер і скрыпач Сяргей Крылоў.
Поўную версію інтэрв'ю радыё Sputnik Беларусь з Расціславам Крымерам слухайце ў аўдыёзапісы.
