У Беларусі сёння назіраецца нашэсце расійскіх артыстаў, лічыць кампазітар, народны артыст Беларусі Васіль Раінчык.
Василий Раинчик - о белорусских исполнителях и конкуренции с российским шоу-бизнесом
"У нас столькі палацаў культуры няма, колькі гэтых артыстаў прыязджае. І беларускія артысты не абаронены ад гэтага нападу. Вось як мангола-татары рабілі набегі, так зараз расіяне робяць набегі на Беларусь", — заявіў Раінчык радыё Sputnik Беларусь. Кампазітар прызнаўся, што не можа слухаць песні расійскіх выканаўцаў праз "налёт пошласці".
"Амерыканскую, ангельскую ці еўрапейскую музыку магу слухаць гадзінамі. А расійскія песні — адну-дзве — і ўжо не магу слухаць, становіцца няёмка", — сказаў Раінчык.
Поўную версію інтэрв'ю радыё Sputnik Беларусь з Васілём Раінчыкам слухайце ў аўдыёзапісы.
