МІНСК, 5 кас — Sputnik. РУП "Белтэлекам" папярэдзіў карыстальнікаў інтэрнэту аб магчымых праблемах у працы Byfly 6 кастрычніка, паведамляецца на сайце Нацыянальнага аператара электрасувязі.
Аператар з гадзіны ночы да шасці раніцы будзе праводзіць працы на сетцы перадачы дадзеных філіяла "МГТС", у сувязі з гэтым магчымыя перабоі.
"Падчас правядзення работ магчымыя перапынкі доступу ў сетку інтэрнэт для абанентаў паслугі Byfly і Home Wi-Fi горада Мінска", — гаворыцца ў паведамленні "Белтэлекама".
РУП "Белтэлекам" валодае сеткай магістральных валаконна-аптычных ліній сувязі і з'яўляецца манапольным правайдэрам знешніх шлюзаў у інтэрнэт. Прадпрыемства прадастаўляе паслугі шырокапалоснага доступу ў інтэрнэт па розных тэхналогіях, а таксама паслугі інтэрактыўнага тэлебачання.
