МІНСК, 7 кас — Sputnik. Памяць генерала і першага прэзідэнта Францыі Шарля дэ Голя могуць увекавечыць у Беларусі, паведамілі ў пасольстве рэспублікі ў Францыі.
Група дружбы "Францыя — Беларусь" праводзіць рэгулярныя сустрэчы на пляцоўках абедзвюх дзяржаў. На гэтым тыдні прайшла сустрэча пасла Беларусі ў Францыі Паўла Латушкі з прэзідэнтам групы Нікаля Дз'юікам, на якой разглядаліся пытанні арганізацыі першага Беларуска-французскага міжрэгіянальнага форуму, які мае адбыцца ў Мінску 30 лістапада — 1 снежня.
"Удзельнікі сустрэчы разгледзелі магчымасць увекавечання ў Беларусі памяці былога прэзідэнта Францыі, сусветна вядомага палітыка генерала Шарля дэ Голя", — сказалі ў амбасадзе.
У гонар сусветна вядомых дзеячаў у беларускай сталіцы ўжо названыя некаторыя скверы, ёсць помнікі. Так, у Мінску ёсць скверы Сымона Балівара і Уга Чавеса, а ва ўнутраным дворыку Белдзяржуніверсітэта ўсталяваны помнік Махатма Гандзі.
