МІНСК, 16 кас — Sputnik. Фатаграфавацца на амерыканскую візу ў акулярах з пачатку лістапада можна будзе толькі пры наяўнасці даведкі ад лекара.
"Пачынаючы з 1 лістапада 2016 года для візы нельга будзе фатаграфавацца ў акулярах", — гаворыцца ў адказах на пытанні пра патрабаванні да фатаграфій на візу, пазначаных на сайце амерыканскага знешнепалітычнага ведамства.
У сваю чаргу, старонкі некалькіх дыппрадстаўніцтваў ЗША ў сацыяльных сетках удакладняюць, што акуляры на фатаграфіі для візы могуць быць толькі пры наяўнасці медыцынскай даведкі. "Пачынаючы з 1 лістапада, вы не зможаце фатаграфавацца для пашпарта або візы ў акулярах, калі ў вас няма медыцынскай даведкі", — паведамляе Twitter амерыканскага генеральнага консульства ў Ерусаліме.
Раней нашэнне незацямнённых акуляраў пры фатаграфаванні на амерыканскую візу і пашпарт дапускалася пры ўмове, што яны не блікуюць і не хаваюць вочы.
Новае патрабаванне да фатаграфій, паводле словаў дыпламатаў, адпавядае стандартам пашпартнай і візавай службаў і дапаможа пазбегнуць з'яўлення на фатаграфіі блікаў ад лінзаў і падаючай на твар цені ад аправы акуляраў, што істотна палепшыць працу сістэмы біяметрычнага распазнання асоб.
