Мяжа, якой няма: што адбываецца на беларуска-расійскім рубяжы

© Sputnik / Виктор ТолочкоСтарая смаленская дарога
Старая смаленская дарога - Sputnik Беларусь
Жыхары трэціх краін не маюць права перасякаць беларуска-расійскую мяжу не толькі на аўтамабілі ці аўтобусе, але і на электрычцы, ці нават пераходзіць пешшу – гэта прадугледжана заканадаўствам 20-гадовай даўніны.

Яўген Казарцев, Sputnik.

Замежныя грамадзяне не могуць уязджаць у Расію праз мяжу Беларусі — паміж краінамі папросту няма міжнародных пунктаў пропуску, якія неабходныя, каб жыхары трэціх краін маглі законна трапляць у РФ. Для многіх інфармацыя пра гэта стала навіной, хоць падобнае прадугледжана яшчэ дамовамі 1995 года, а на адсутнасць МПП паказвалі і ў Пагранічнай службе Расіі.

© Sputnik / Виктор ТолочкоКПП "Краснае - Рэдзькі"
КПП Красное – Редьки - Sputnik Беларусь
КПП "Краснае - Рэдзькі"

Карэспандэнты Sputnik выправіліся на мяжу Беларусі і Расіі — каб на свае вочы пабачыць, як жыве прымежжа сёння, і пагаварыць з мясцовымі жыхарамі пра тое, ці ходзяць па лясах гастарбайтэры.

Маршрут першы. КПП "Краснае — Рэдзькі"

Самы загружаны прапускны пункт паміж Беларуссю і Расіяй размешчаны паміж вёскамі Чырвоная горка і Рэдзькі. Праз яго ідзе траса Брэст — Масква, таму папулярнасць маршруту лёгка вытлумачальная. Праехалі праз мяжу мы спакойна: ніхто не спыняў для праверкі пашпартоў, але ж і ехалі мы на машыне з беларускімі нумарамі.

© Sputnik / Виктор ТолочкоДа Смаленска даехалі без прыпынкаў - на машыне з беларускімі нумарамі
До Смоленска доехали без остановок, правда, на машине с белорусскими номерами - Sputnik Беларусь
Да Смаленска даехалі без прыпынкаў - на машыне з беларускімі нумарамі

Тыя смаляне, што чулі пра сітуацыю на мяжы, распавялі: у большасці ўязджаючых на машынах пашпарты ўсё ж правяраюць. Уведзены пашпартны кантроль і для аўтобусных маршрутаў, а часам памежная служба выстаўляе пасты і на чыгунцы.

"Чуў пра гісторыю: палякаў развярнулі на "Чырвонай горцы", яны вырашылі схітраваць і перасякчы мяжу на электрычцы. Але на расійскім баку іх усё адно затрымалі, бо яны патрапілі ў краіну незаконна", — расказаў мясцовы жыхар.

© Sputnik / Виктор ТолочкоБеларуска-расійская мяжа
Граница Беларуси и России - Sputnik Беларусь
Беларуска-расійская мяжа

Суразмоўца Sputnik выказаў меркаванне: частка замежнікаў, асабліва з ліку тых, хто едзе ў пошуках працы, спрабуюць прайсці ў Расію аб'язнымі шляхамі.

Маршрут другі. ГП Красны — вёска Ляды

Жыхары Смаленшчыны ведаюць: самы папулярны маршрут у абыход КПП на Краснай горцы — праехаць праз пасёлак гарадскога тыпу Красны, паўз вёскі Б. Добрая — і ўехаць ужо ў беларускую вёску Ляды.

© Sputnik / Виктор ТолочкоПасёлак Красны
Поселок городского типа Красный - Sputnik Беларусь
Пасёлак Красны

"Там заўжды кантрабандысты шасталі раней", — распавёў мужчына сярэдніх гадоў.

У самім пасёлку Красны ні пра мясцовых кантрабандыстаў, ні пра гастарбайтараў з усходнееўрапейскіх краін не чулі. Прадавец у мясцовай краме непадалёк проста развяла рукамі: сказала, што замежнікі да яе як не заходзілі, так і не заходзяць, таму яна нічога распавесці не можа.

Некалькі кіламетраў ад пасёлка ў бок мяжы — маленькія вёскі, у якіх у асноўным жывуць жывёлаводы.

© Sputnik / Виктор ТолочкоПрымежжа жыве звычайным жыццём - пакуль не паставілі на зімоўку, на волі пасвяцца каровы і авечкі
По нераспаханным полям пастухи гонят коров и овечек на зимовку - животные до весны на природу уже не выйдут - Sputnik Беларусь
Прымежжа жыве звычайным жыццём - пакуль не паставілі на зімоўку, на волі пасвяцца каровы і авечкі

Каровы пасуцца ў памежж

Яшчэ крыху далей — маленькі офіс па продажы аўтамабільных страховак. Яго супрацоўніца не хацела фатаграфавацца, але распавесці аб назіраннях пагадзілася.

"Беларусаў свабодна пускаюць, а замежнікаў — не. Афіцыйнага пераходу тут няма, але памежнікі часам выстаўляюць і тут свае кардоны. Грамадзян іншых краін разварочваюць — армянаў, грузінаў, украінцаў… Калі грузін затрымліваюць — так і арыштоўваюць на некалькі сутак. Такое ўжо каля года, як я памятаю, ва ўсякім разе, для ўкраінцаў і грузінаў. Пра тое, што нельга ездзіць і еўрапейцам, пачула нядаўна зусім", — падзялілася жанчына.

На бізнесе новаўвядзенні не адбіліся: тут страхаваліся пераважна грамадзяне Беларусі.

© Sputnik / Виктор ТолочкоОфіс продажу страховак пад Смаленскам
Офис продаж страховок под Смоленском - Sputnik Беларусь
Офіс продажу страховак пад Смаленскам

"Калі выстаўляюць памежнікаў — яны дзяжураць часам і суткамі, пашпарты правяраюць. Але такое было ўжо даўно: два гады таму, калі ўкраінцы хлынулі ў аб'езд, каб працаваць у Расіі. Іх і разварочвалі. Ездзілі цэлымі аўтобусамі, усіх спынялі і потым разварочвалі. Што летась было… Па 15-20 аўтобусаў стаялі і чакалі, пакуль правераць. І потым ім трэба было з'язджаць", — сказала на заканчэнне суразмоўца Sputnik.

Маршрут трэці. Аб'ездаў няма

У Лядах на беларускім боку аб змене парадку перасячэння мяжы казаць не хацелі — апраўдваліся тым, што ўсе пытанні трэба задаваць расіянам, а "мы тут нічога не бачылі". Больш гаваркімі апынуліся жыхары расійскай вёскі Б. Добрая.

© Sputnik / Виктор ТолочкоМясцовая жыхарка-пастушка
Местная жительница - пастух - Sputnik Беларусь
Мясцовая жыхарка-пастушка

"Памежнікі звычайна ў нас крыху далей, за дрэвамі стаяць. Часта бачу, што аўтобусы стаяць — правяраюць. І разгортваюць часта. Спыняюць і машыны, і аўтобусы — усіх", — распавяла мясцовая жыхарка-пастушка.

Паводле слоў жанчыны, супрацоўнікі памежнай службы выстаўляюць пасты на ўсіх дарогах уздоўж мяжы, час ад часу курсуюць па вёсках і бліжэйшых населеных пунктах.

"Аб'ехаць так, каб іх не было, было б складана", — сказала на заканчэнне суразмоўца агенцтва.

Маршрут чацвёрты. Законны

Калі з'явяцца міжнародныя пункты пропуску ў Беларусі — невядома. Пакуль замежніку, які прыехаў па трасе Брэст — Масква, застаецца толькі рабіць крук у сотню кіламетраў, каб патрапіць у Расію праз мяжу з Латвіяй ці Украінай.

© Sputnik / Виктор ТолочкоЯшчэ адна дарога праз мяжу - праз Красны
Еще один путь проехать границу - через Красный - Sputnik Беларусь
Яшчэ адна дарога праз мяжу - праз Красны

Sputnik пагутарыў з навуковым кіраўніком канферэнцыі па прыгранічнаму супрацоўніцтву, якая прайшла ў Смаленску на мінулым тыдні. Прарэктар па навуковай рабоце СГУ Аляксандр Катроўскі — доктар геаграфічных навук, які асаблівую ўвагу надае праблемам развіцця прымежных тэрыторый.

"Шмат хто хоча прыехаць у Катынь — гэта святое для палякаў месца. Але не могуць наўпрост, на жаль, вымушаныя аб'язджаць. Я думаю, пытанне можна было б вырашыць і ўвядзеннем адзінай візавай палітыкі — мы даўно пра гэта гаворым і выступаем за падобныя крокі", — падзяліўся са Sputnik Катроўскі.

© Sputnik / Виктор ТолочкоМемарыял "Катынь" пад Смаленскам
Мемориал Катынь под Смоленском - Sputnik Беларусь
Мемарыял "Катынь" пад Смаленскам

Вучоны ўпэўнены: калі вырашыць падобныя пытанні, то гэта будзе і выгадна, і зручна не толькі для замежных грамадзян, але і для жыхароў Беларусі і Расіі.

За найхутчэйшае высвятленне сітуацыі выступаюць і ў прыдарожным сэрвісе: на аўтазапраўках і кафэ ўздоўж трасы М1 многія прызнаваліся: замежнікаў стала сярод наведвальнікаў менш, а адбіцца гэта можа і на бізнесе.

Праўда, на адной з заправак Sputnik сустрэў жыхара Нідэрландаў па імені Берт — мужчына падарожнічае на мікрааўтобусе па свеце.

© Sputnik / Виктор ТолочкоАўтамабіль падарожніка з Нідэрландаў
Автомобиль путешественника из Нидерландов - Sputnik Беларусь
Аўтамабіль падарожніка з Нідэрландаў

 

"Сюды я прыехаў з Улан-Батара, праехаў усю гэтую дарогу цалкам без праблем: людзі вельмі добрыя, ветлівыя. А пра тое, што нельга праз Беларусь ехаць у Расію… Шчыра, ніколі не чуў", — распавёў Берт і прызнаў, што яму пашанцавала загадзя выбраць аптымальны маршрут.

© Sputnik / Виктор ТолочкоПадарожнік Берт
Нидерландец Берт - Sputnik Беларусь
Падарожнік Берт

Госць з Нідэрландаў прызнаўся: сам ён заязджаў на тэрыторыю Расіі праз Украіну — там, дзе ёсць міжнародныя пункты пропуску. Гэта значыць, цалкам законна.

© Sputnik / Виктор ТолочкоСмаленская вобласць на мяжы з Беларуссю
Смоленская область на границе с Беларусью - Sputnik Беларусь
Смаленская вобласць на мяжы з Беларуссю

Пра тое ж, што мяжу Беларусі і Расіі можна перасякаць толькі грамадзянам Саюзнай дзяржавы, прызнаўся Берт, ніхто з яго знаёмых таксама не казаў.

"Хоць варта было б ведаць", — сказаў на заканчэнне суразмоўца Sputnik.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі