МІНСК, 19 кас — Sputnik. Прэм'ер-міністр РФ Дзмітрый Мядзведзеў возьме ўдзел у пасяджэнні Еўразійскага міжурадавага савета, якое адбудзецца ў Мінску 27 кастрычніка, паведамляе прэс-служба расійскага Кабінета міністраў.
У пасяджэнні таксама будуць удзельнічаць кіраўнікі ўрадаў Расіі, Арменіі, Беларусі, Казахстана і Кыргызстана. Бакі абмяркуюць шэраг пытанняў інтэграцыйнага парадку дня Еўразійскага эканамічнага саюза.
"Плануецца абмеркаваць праект новага Мытнага кодэкса Еўразійскага эканамічнага саюза, ухваліць праект бюджэту Саюза на 2017 год, падпісаць пратакол аб прадаўжэнні дзеяння Пагаднення аб рэалізацыі ў 2015-2016 гадах пілотнага праекта па ўвядзенні маркіроўкі тавараў ідэнтыфікацыйнымі знакамі", — гаворыцца ў паведамленні.
На пасяджэнні таксама разгледзяць ход распрацоўкі механізму кантролю за перамяшчэннем тавараў на тэрыторыі саюза, асобныя аспекты гандлёвай палітыкі, а таксама пытанні міжнароднай дзейнасці Еўразійскай эканамічнай камісіі.
