Праект змяненняў і дапаўненняў ва ўказ прэзідэнта №372 абмеркавалі ў МПЦ Sputnik прадстаўнікі органаў дзяржкіравання, уладальнікі аграсядзіб і прадстаўнікі грамадскіх аб'яднанняў. У Міністэрстве спорту і турызму, якое выступала адным з распрацоўшчыкаў дакумента, падкрэсліваюць, што ўладальнікі катэджаў, якія маюць статус аграсядзібаў, а на самой справе здаюць плошчы пад правядзенне вяселляў і банкетаў, павінны плаціць справядлівыя падаткі.
"Цяпер у Беларусі налічваецца 2 263 аграсядзібы, і іх колькасць працягвае расці. Але разам з тым з'явіліся пэўныя дзялкі, якія выкарыстоўваюць прабелы ў заканадаўстве, падмяняючы добрую ідэю звычайным бізнэсам. Фактычна яны займаюцца гасцінічным і рэстаранным бізнэсам, сыходзячы ад падаткаў", — заявіў намеснік міністра спорта і турызма Міхаіл Кравец падчас круглага стала ў МПЦ Sputnik.
Ён падкрэсліў, што з новым указам правы і інтарэсы тых, хто сапраўды займаецца аграэкатурызмам, не церпяць. Яго пункт гледжання падтрымалі запрошаныя на круглы стол прадстаўнікі Камітэта дзяржкантролю.
У сваю чаргу ў Міністэрстве па падатках і зборах падкрэслілі, што праект указа не прадугледжвае змену парадку падаткаабкладання ўладальнікаў сядзібаў, таму падатковая нагрузка на іх не павялічыцца.
"Падаткаабкладанне ў гэтай сферы ў нас не змянялася з 2006 года, і цяпер яно таксама не зменіцца. Таму казаць пра тое, што падаткі вырастуць, нельга", — сказала намеснік кіраўніка МПЗ Святлана Шаўчэнка.
Яна лічыць, што ў абноўленым указе варта больш выразна прапісаць, якія менавіта паслугі могуць аказваць аграсядзібы.
У ліку гэтых паслуг будуць на здача жылля ў наём, падрыхтоўка ежы з прадуктаў мясцовай вытворчасці, катанне на конях, азнаямленне з прыродай і гісторыяй краю, а таксама правядзенне культурна-масавых і спартыўна-аздараўленчых мерапрыемстваў. "Вяселля і банкеты сюды не ўваходзяць", — заўважыла Шаўчэнка.
У сваю чаргу старшыня праўлення Беларускага грамадскага аб'яднання "Адпачынак у вёсцы" Валерыя Кліцунова заўважыла, што ні адна сядзіба не зможа працаваць у статусе індывідуальнага прадпрымальніцтва, паколькі патрабаванні да гасцінічнага і рэстараннага бізнесу прынцыпова іншыя.
"Мне не зусім зразумела, чаму ў лістападзе, калі наперадзе адсутнасць турыстаў, мы пачынаем уздымаць гэтае пытанне. І хто адкажа, калі будуць паламаныя лёсы людзей і забітая цэлая галіна", — дадала яна.
У адказ на гэтую пазіцыю па завяршэнні круглага стала намеснік міністра спорту і турызму Міхаіл Кравец заявіў, што нягледзячы на ўсе пачутыя аргументы, пазіцыя Мінспорту па праекце ўказа не змянілася.
"Ніхто нам навязваць свой пункт гледжання не будзе. Гэтыя дзялкі… іх час сышоў", — сказаў ён.
Падрабязнасці глядзіце на відэа з МПЦ Sputnik.
