МІНСК, 25 кас — Sputnik. Багатыя ападкі ў выглядзе дажджу і мокрага снегу, а таксама моцны вецер прагназуюць на ноч і раніцу серады сіноптыкі. Па ўсходняй палове рэспублікі парывы ветру могуць дасягаць 15-20 м/с, у Мінску —15-18 м/с. У сувязі з гэтым Гідраметцэнтр абвясціў аранжавы ўзровень небяспекі.
Аранжавы ўзровень небяспекі абвяшчаецца, калі ўмовы надвор'я могуць прадстаўляць рэальную небяспеку. Гаворка ідзе пра шквал, ліўні, навальніцы, град, спякоту або мароз і інш. Пры гэтым мяркуецца, што чаканыя з'явы могуць негатыўна паўплываць на сацыяльна-эканамічную дзейнасць і прывесці да значнай матэрыяльнай шкоды.
Тэмпература паветра ў сераду на працягу сутак складзе 0..+6°С. Крыху цяплей будзе ў заходніх раёнах, днём там паветра прагрэецца да +7..+9°С. Атмасферны ціск будзе расці.
У наступныя двое сутак у рэспубліцы захаваецца няўстойлівае надвор'е: з дажджамі, мокрым снегам, дзе-нідзе туманам і галалёдам у чацвер і моцным парывістым ветрам у пятніцу. Тэмпература паветра мінімальная ўначы будзе вагацца ў межах 0..+7°С.
