МІНСК, 25 кас — Sputnik. Беларусы па планах павінны кампенсаваць не менш за 50% усіх выдаткаў на жыллёва-камунальныя паслугі да канца гэтага года, нагадалі Sputnik у Міністэрстве антыманапольнага рэгулявання і гандлю рэспублікі. Згодна з планамі беларускага ўрада, беларусы будуць цалкам пагашаць затраты на ЖКП да 2018 года, а ў 2017-м гэтая адзнака павінна быць на ўзроўні 75%.
Адбывацца гэта будзе не толькі за кошт павышэння кошту тарыфаў на паслугі ЖКГ, але і шляхам зніжэння выдаткаў прадпрыемствамі на аказанне гэтых паслуг.
Як паведамілі Sputnik ў МАРГ, да канца 2016 года па планах беларусы павінны кампенсаваць не менш за 50% ад затрат, аднак фактычны ўзровень кампенсацыі будзе падлічаны, згодна з нарматыўным актам, толькі ў наступным годзе.
Мяркуецца, што абвясціць дакладны працэнт кампенсацыі беларусамі ўсіх выдаткаў на ЖКГ павінны будуць абвясціць да 15 красавіка 2017 годзе.
Зараз, адзначылі спецыялісты, цяжка меркаваць пра тое, якую частку ўсіх выдаткаў на ЖКП пакрываюць грамадзяне. Поўнае пакрыццё выдаткаў на жыллёва-камунальныя паслугі — адна з умоў МВФ для выдзялення Беларусі чарговага крэдыту.
Кіраўнік дзяржавы неаднаразова заклікаў не павышаць тарыфы за адзін раз і пазбягаць "шокаў", а для падтрымкі датклівых слаёў насельніцтва з кастрычніка гэтага года ўведзены безнаяўныя субсідыі.
Зрэшты, ужо з 1 студзеня 2017 года тарыфы ўзрастуць — па планах Мінэканомікі, на 10 рублёў. Першапачаткова павінны падаражэць газ, электраэнергія і водазабеспячэнне, аднак на працягу года магчымыя павышэння тарыфаў і на іншыя паслугі.
Да канца 2016 года ў Беларусі дзейнічаюць тарыфы на жыллёва-камунальныя паслугі, зацверджаныя прэзідэнтам вясной пасля скандалу з "тарыфамі ад балды".
