Дэпутат Палаты прадстаўнікоў Нацыянальнага сходу Беларусі старшыня Беларускай асацыяцыі ўрачоў Дзмітрый Шаўцоў упэўнены, што бэбі-боксы не скароцяць колькасць забойстваў нованароджаных.
"Упэўнены з вельмі вялікай доляй верагоднасці, што калі мы ўвядзем сістэму бэбі-боксаў, забойствы немаўлятаў сваімі маці не спыняцца", — заявіў Шаўцоў.
"Людзі, якія плануюць забойства нованароджаных — гэта асацыяльныя асобы. Такія, з дазволу сказаць, таварышы не павязуць з сяла ў горад немаўля, каб пакласці ў бэбі-бокс. Яны не глядзяць тэлебачання, не чытаюць газет і не будуць ведаць, што ў краіне з'явіліся бэбі-боксы. І што, давядзецца да іх дамоў набліжаць бэбі-боксы? І тым самым мы будзем правакаваць гэтых асацыяльных асоб, каб кідаць сваіх дзяцей", — адзначыў ён. Праблема забойства нованароджаных сваімі маці існуе ў многіх краінах. Эксперты адзначаюць, што часцей за ўсё на такое злачынства ідуць праз матэрыяльныя праблемы, дэградуючыя асобы, а таксама непаўналетнія дзяўчынкі з-за боязі грамадскага асуджэння і рэакцыі бацькоў.
У апошні час "новае дыханне" атрымала тэма бэбі-боксаў. У шэрагу постсавецкіх краінаў гэтая сістэма запрацавала, але, як паказала практыка, на колькасць забойстваў нованароджаных яна не паўплывала. У Казахстане за два гады ў бэбі-бокс не паклалі ні адно дзіцяці, хоць колькасць кінутых немаўлят павялічылася.
