МІНСК, 2 ліс — Sputnik. Нацыянальная авіякампанія "Белавія" да дня грамадзянскай авіяцыі правядзе акцыю па зніжэнні коштаў на квіткі для ўсіх рэгулярных рэйсаў, паведаміў гендырэктар авіякампаніі Анатоль Гусараў.
Гэта акцыя стане трэцяй зніжкавай кампаніяй "Белавія" сёлета. Аналагічнае зніжэнне тарыфаў нацыянальны авіяперавознік ужо ажыццяўляў у жніўні. Самай папулярнай была акцыя ў сакавіку, прымеркаваная да юбілею кампаніі, калі ўсе квіткі можна было купіць за 20 еўра без уліку таксаў і збораў. У першы дзень акцыі сайт авіякампаніі абваліўся з-за наплыву ахвотнікаў купіць квіткі, і "Белавія" была змушана падоўжыць акцыю яшчэ на дзень.
"У найблізкі дзень, ужо заўтра, правядзём акцыю да нашага прафесійнага свята. Будзем прапанаваць тарыфы на квіткі рэйсаў пачынаючы з заўтрашняга дні і да канца зімовага раскладу са зніжкай у 50% ва ўсіх кірунках", — сказаў Гусараў у сераду на прэс-канферэнцыі ў Мінску.
Па яго словах, напрыклад, кошт пералёту ў Маскву (аэрапорт Жукоўскі) складзе 35 еўра туды і назад.
