МІНСК, 3 ліс — Sputnik. Сусветна вядомы савецкі і расійскі клоўн Алег Папоў памёр у Растове на 87-м годзе жыцця, артыст да апошніх дзён свайго жыцця выступаў на цыркавой арэне — узімку гэтага года ў яго пачаўся вялікі гастрольны тур па Расіі, паведамляе Расдзяржцырк.
Адным з першых пра смерць легендарнага клоўна паведаміў дырэктар Вялікага маскоўскага цырка на Вярнадскага Эдгард Запашны. Паводле яго слоў, Папоў памёр позна ўвечары ў сераду ў Растове-на-Доне, куды прыехаў з гастролямі.
"Сёння ў Растове-на-Доне сканаў легендарны клоўн Алег Папоў. У мінулым годзе пасля шматгадовага перапынку ён вярнуўся на Радзіму. Яго трыўмфальнае вяртанне, выступ на манежы Сочынскага цырка і яго слёзы памятаюць усе гледачы, каму пашчасціла гэта бачыць", — гаворыцца ў паведамленні Расійскай дзяржаўнай цыркавой кампаніі ў Facebook.
У паведамленні падкрэсліваецца, што артыст памёр на радзіме. "Памёр спакойна, проста седзячы ў крэсле. Побач з ім была яго жонка Габі Папова", — адзначылі ў Расдзяржцырку.
Месца і дата пахавання Папова пакуль не вядомыя. "У дадзены момант вядуцца перамовы з яго дачкой, якая знаходзіцца ў Германіі, пра час і месца пахавання", — распавялі ў кампаніі.
Шлях да славы
Папоў нарадзіўся 31 ліпеня 1930 года. У 1950 годзе Папоў скончыў Дзяржаўную вучэльню цыркавога мастацтва і быў накіраваны ў Тбіліскі цырк, дзе прапрацаваў два месяцы. Пачаў сваю кар'еру эквілібрыстам-комікам, выступаючы з нумарам "Эксцэнтрык на вольным дроце". У пачатку 1951 года Папоў быў уключаны ў групу маскоўскіх артыстаў, якая гастралявала па краіне. Яго выступ карысталася такім поспехам, што ўвайшоў у фільм-канцэрт "Арэна смелых" (1953), які зняў вядомы рэжысёр Юры Озераў для рэкламы перад гастролямі савецкага цырка ў розных краінах свету.
У 1957 году Папоў упершыню адправіўся ў вялікае турнэ па краінах сацыялістычнай садружнасці. Пазней артыст прымаў удзел у першых гастролях савецкага цырка ў краінах Заходняй Еўропы. Гэтыя паездкі прынеслі яму сусветную славу.
Шчаслівы Ганс — легенда цырка
З 1991 года Папоў жыў і працаваў у Германіі, дзе арганізаваў уласную цыркавую праграму. З жонкай Габрыэлай Леман Папоў працаваў у дуэце, а яго сцэнічны псеўданім гучаў у гэтай краіне як "Шчаслівы Ганс".
У чэрвені 2015 года Папоў упершыню за 25 гадоў прыехаў у Расію. Ён стаў ганаровым госцем міжнароднай цыркавой прэміі "Майстар" у Сочы. Папоў адкрыў сваім выступам урачыстую цырымонію і быў ганараваны прэміі "Легенда цырка".
Папоў — народны артыст СССР (1969). Быў узнагароджаны ордэнам Леніна (1980) і ордэнам Дружбы (1994), быў адзначаны ганаровай граматай прэзідэнта Расіі (2010).
