МІНСК, 8 ліс — Sputnik. Камароўскі рынак сталіцы прапануе дзень зніжак у будучую сераду 9 лістапада, паведамілі Sputnik у Галоўным упраўленні спажывецкага рынку Мінгарвыканкама.
У гэты дзень кошт шэрагу прадуктаў будзе зніжаны на 15-20%. У спісе прадуктаў на "распродажы": мяса, каўбасы, гародніна, садавіна, бакалея, рыба і абед у мясцовай сталовай.
Дзень зніжак прапануюць не ўсе прадаўцы, а толькі некаторыя. Напрыклад, гародніна патаннее на адну пятую ў сезоннай частцы рынку, у сектарах 1 (шэраг 9, гандлёвае месца №1), 2 (шэраг 2, гандлёвыя месцы №15 і №16), а таксама ў сектары 3 (2 шэраг — месца №16, 3 шэраг — месцы №31 і №32, а таксама 9 шэраг — месца №21).
Таксама ў спісе "акцыйных" тавараў — жывыя і штучныя кветкі, абутак і спецыі. З поўным пералікам танных тавараў на "Камароўцы" і месцамі, дзе іх можна купіць, азнаёміцца можна на сайце ГУПР.
