МІНСК, 8 ліс — Sputnik. Галоўнай тэмай перамоваў гуманітарнай падгрупы трохбаковай кантактнай групы на працягу двух дзён стане пытанне вызвалення палонных, заявіла народны дэпутат Украіны Ірына Герашчанка ў сваім акаўнце ў Facebook.
"Кожны дзень на мінулым тыдні я сустракалася з сем'ямі заложнікаў. Я ведаю, як яны чакаюць навін і як важна для іх увага (да гэтай тэмы — Sputnik)", — напісала Герашчанка.
Пытанне абмену палоннымі — адно з галоўных у Комплексе мер па выкананні мінскіх пагадненняў, дзе прадугледжана формула "ўсіх на ўсіх" (або 618 на 47 — Sputnik). Аднак эксперты адзначаюць, што да канца года бакі наўрад ці здолеюць пераадолець супярэчнасці і абмяняць палонных па дадзеных спісах.
На сераду, 9 лістапада, у беларускай сталіцы запланавана пасяджэнне кантактнай групы. Сустрэчы будуць папярэднічаць пасяджэння і трох астатніх тэматычных падгруп: па бяспецы, палітычнаму ўрэгуляванню і эканоміцы.
