Новаабраны прэзідэнт у пачатку сваёй прамовы заявіў, што настаў час для ЗША загаіць раны, якія падзяляюць краіну. Ён адзначыў, што рэспубліканцам і дэмакратам пара аб'яднацца і стаць адной нацыяй.
У пераможнай прамове Трамп закрануў і пытанні знешняй палітыкі, сказаўшы, што будзе ставіць інтарэсы Штатаў вышэй за ўсё і пры гэтым сумленна паступаць з усімі ў свеце.
"Я хачу запэўніць увесь свет, што працягваючы ставіць на першае месца інтарэсы ЗША, мы пры гэтым будзем шчыра паступаць з усімі ў свеце, з усімі народамі і нацыямі. Мы за партнёрства, а не за канфлікты", — заявіў 45-ы прэзідэнт ЗША.
Прэзідэнцкія выбары, якія прайшлі ў ЗША 8 лістапада, выйграў кандыдат ад Рэспубліканскай партыі Дональд Трамп. Яго саперніцай была кандыдат ад дэмакратаў Хілары Клінтан.
