МІНСК, 9 ліс — Sputnik. Пахаладанне ідзе ў Беларусь: атмасферны фронт спачатку прынясе моцныя ападкі, а затым на тэрыторыю рэспублікі пачне паступаць арктычнае паветра, якое нясе зімовае надвор'е, паведаміў Sputnik у сераду начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
Па дадзеных Гідрамета, 9 лістапада франтальны раздзел будзе павольна перамяшчацца па тэрыторыі Беларусі: днём пройдуць мокры снег і дождж, у ноч на чацвер — снег і парывісты вецер.
"Затым чакаецца пахаладанне: лістапад адчыняе вароты зімы. Атмасферны фронт пакіне краіну, саступаючы месца вобласці павышанага ціску, і ў Беларусь пацягнецца арктычнае паветра, паніжаючы тэмпературу", — сказаў Рабаў.
Сіноптык удакладніў, што ў пятніцу ў асобных раёнах пройдзе кароткачасовы снег, ноччу тэмпература складзе ад —2 да —9°С, па поўначы пры праясненнях —10..-14°С; днём ад —6°С па поўначы краіны да +1°С па поўдні.
У суботу, па дадзеных Рабава, месцамі чакаецца кароткачасовы снег, ноччу —4..-10°С, па поўначы і паўночным усходзе пры праясненнях да —14°С; днём па-ранейшаму —6..+1°С.
Суразмоўца Sputnik таксама распавёў, што ў нядзелю зноў пройдзе снег, тэмпература паветра ўначы складзе —3..-10°С, па поўначы і паўночным усходзе пры праясненнях —11..-14°С; днём будзе крыху цяплей — 0..-6°С.
