МІНСК, 11 ліс — Sputnik. Халоднае і снежнае надвор'е захаваецца ў Беларусі ў будучыя выходныя 12 і 13 лістапада, паведаміў Sputnik сіноптык Гідрамета Дзмітрый Рабаў.
Па дадзеных сіноптыкаў, выходныя чакаюцца зімовыя і марозныя, але спакойныя.
"Умовы надвор'я на тэрыторыі Беларусі ў асноўным будзе вызначаць вобласць павышанага атмасфернага ціску, сфармаваная ў вільготнай халоднай паветранай масе", — распавёў Рабаў.
Невялікі снег пройдзе ў асобных раёнах у суботу. На асобных участках дарог магчыма галалёдзіца. Тэмпература паветра мінімальная ноччу —3..-9°С, пры праясненнях —10..-15°С; максімальная днём —0..-6°С.
Кароткачасовыя снег і слабы галалёд магчымыя і ў нядзелю. Тэмпература паветра мінімальная ноччу —3..-9°С, пры праясненнях —10..-14°С; максімальная днём —4..+2°С.
"У пачатку тыдня надвор'е істотна не зменіцца", — сказаў сіноптык і дадаў, што з другой паловы тыдня крыху пацяплее, а снежнае покрыва паменшыцца. На поўдні снег і зусім растае.
