Быццам бы традыцыйная колькасць страў была прапанавана — чатыры — але што гэта было! Як гэта было прыгатавана і як пададзена! Быццам бы цалкам звычайныя прадукты, якія мы ўжываем штодня, а вось падзі ж ты! Аказваецца, у Латвіі даўно перайшлі на крапіўную пудру, а суп-суфле падаюць з сіфона. Аленіна вэндзіцца падпаленым ядлоўцам прама ў місцы, а з дзьмухаўцоў атрымліваецца выдатны сіроп! Дадаць застаецца, што пеністае віно набывае неверагоднае адценне, калі яно рыхтуецца на аснове… рабарбара!
Эрыкс Дрэйбантс, адзін з шэф-кухароў, якія ўдзельнічалі ў майстар-класе, сказаў, што гэта — новая латышская нацыянальная кухня. Кухар з больш чым 20-гадовым вопытам, ён — аўтар некалькіх кніг па кулінарнаму мастацтву, заснавальнік латвійскага "Клуба Кухараў", аўтар маніфесту "Сучасная латвійская кухня". Лічыць, што кулінарыя — гэта біялогія, мастацтва, геаграфія, гісторыя, хімія, палітыка, мода…
Яго малады калега, Артурс Трынкунс, прайшоў усю кар'ерную лесвіцу ў справе — ад мыйшчыка посуду да шэф-кухара ў рыжскім "Tam labam būs augt" ("Добраму — расці!"). Ён поўны энтузіязму і падае вялікія надзеі. На сённяшні дзень Артур адказвае за падбор прадуктаў і супрацоўніцтва з фермерамі, а таксама кантралюе паўсядзённае працу кухні.
