Навошта ты тут, падарожнік: як ператварыць Беларусь у брэнд

© Sputnik Ася ПоплавскаяКафэ "Лаўка" на вуліцы Кастрычніцкай у Мінску
Кафэ Лаўка на вуліцы Кастрычніцкай у Мінску - Sputnik Беларусь
Грузія здолела, Ісландыя змагла, можа, і ў Беларусі ёсць шанец здабыць прывабны імідж?

На дыскусіі "Як прадаць Беларусь" у рамках 34 media day спецыялісты і неабыякавыя абмеркавалі, што можна зрабіць з Беларуссю, каб апошняя пазбавілася ў вачах турыстаў ад іміджу "бюджэтнай КНДР" — там пабывала карэспандэнт Sputnik Алена Васільева.

Гэта не прадаецца

Беларусь не прадаецца. Мінспорту і турызму хоць і дэкларуе, што за мінулы год да нас прыехала амаль чатыры мільёны турыстаў, большасць з іх — транзітныя, і пакідаць грошы ў Беларусі не плануюць. Прычым добрая частка турыстаў, якія да нас едуць — расейцы (амаль мільён), іншыя тэставаць terra Belarus incognita на прыдатнасць для жыцця і адпачынку не рвуцца.

"Спачатку міністэрства лічыла турыстамі толькі тых, хто едзе на экскурсію — купляе тур у агенцтве, спыняецца ў гатэлі. Затым пачалі ўлічваць і іншых, цяпер прынята лічыць турыстам любога, які ўехаў — няважна, на бізнес-сустрэчу ён прыехаў або заплаціў за паўнавартасны тур", — растлумачылі ў Міністэрстве спорту і турызму.

Дарэчы, у суседняй Грузіі, у якой вырашаць пытанні іміджу атрымоўваецца асабліва добра, лічбы такія ж — чатыры мільёны. Але там гаворка ідзе пра паўнавартасных турыстаў, якія едуць вывучаць прыгажосці Грузіі мэтанакіравана. Транзіт не ўлічваецца, выпадковыя заезджыя — ня мэтавая аўдыторыя.

Беларускі мастак, архітэктар і пісьменнік Артур Клінаў лічыць, што методыка падліку турыстаў, дзякуючы якім налічылі чатыры мільёны, выклікае сумнеў.

"Што такое "турысты ёсць" я ведаю па вопыту падарожжаў у Еўропу. Ад Беларусі адчуванні іншыя: турыстаў тут няма. Нават падчас Чэмпіянату свету па хакеі мы адчулі, што такое "турысты ёсць", — упэўнены пісьменнік.

"Белстат" рэгулярна публікуе дадзеныя, у адпаведнасці з якімі колькасць турыстаў у Беларусі ледзь дасягае паўмільёна. У міністэрстве растлумачылі: чатырыста тысяч — гэта менавіта тыя турысты, якія купілі пуцёўку ў Беларусь.

Манетызуй мінулае

Клінаў упэўнены, што галоўны аб'ект, які павінен прыцягнуць замежных турыстаў — горад Сонца, канцэпцыі якога ён прысвяціў цэлую кнігу. У рамках дыскусіі аўтар канцэпцыі паспрабаваў коратка растлумачыць, што манетызаваць і чым прыцягваць замежніка.

© Sputnik Виктор ТолочкоГУМ
ГУМ - Sputnik Беларусь
ГУМ

"Горад Сонца — помнік савецкай эпохі, гэта тое, што будавалася на тэрыторыі былога Савецкага Саюза ў ледзь ці не кожным горадзе. Будаваўся ідэальны горад, але нідзе ён не быў рэалізаваны так суцэльна, як у Мінску. Фрагменты можна знайсці ў Маскве і іншых гарадах, але толькі ў нас яго можна прапанаваць турысту як скончаны праект. На ім можна будаваць турыстычную індустрыю, замкі — гэта добра, але ў еўрапейцаў ёсць свае. Тая беларуская ўнікальнасць, якой у іх няма — менавіта горад Сонца, гэта той брэнд, які можна раскруціць", — растлумачыў Клінаў.

Ці гучаць у калідорах Мінспорту і турызму размовы пра горад Сонца або па-ранейшаму будзем прыцягваць турыстаў казіно і дранікамі?

Не белая пляма?

Для краін Захаду іміджавая праблематыка набыла асаблівую актуальнасць у пачатку 1990-х. У Беларусі ў гэты час трансфармавалася сістэма, і пытаннямі краінавых брэндаў цікавіліся ў апошнюю чаргу. Калі, нарэшце, усё атрымалася, беларусы выявілі, што на карце свету яны не кляновы лісток, як меркавалася, а "апошняя дыктатура" і "крывавы рэжым".

Гэта не выклікала б асаблівых ускладненняў, калі б на іміджы дзяржавы не былі завязаныя інвестыцыі і іншыя рашуча матэрыяльныя паняцці. Урад зразумеў, што пралічыўся, у 2008 годзе — тады ж звярнуліся ў Bell Pottinger, піяр-агенцтва знакамітага іміджмэйкера Цімаці Бэла. Перш чым узяцца за імідж Беларусі, Бэл працаваў з кампаніяй "Дысней" і з Маргарэт Тэтчар, якая па ўказанні піяршчыка нават мяняла прычоску.

У апошні час размовы пра імідж Беларусі зноў актывізаваліся.

Гэта Беларусь, дзетка

Беларускі Марта Чарнова і Марыя Чэракова стаміліся адказваць на пытанні аб тым, як знайсці сваю краіну на мапе і выдалі нашумелую кнігу "Гэта Беларусь, дзетка". У кнізе сабраны і сатырычна аформленыя стэрэатыпы пра беларусаў. Кнігу раскупляюць не толькі замежнікі, але і самі беларусы — першыя, каб спасцігнуць тонкасці натуры беларуса, другія — каб пасмяяцца над сабой і ў падарунак замежным сябрам.

"Калі такія словы, як "дача", "лазня" і "ссабойка" чапаюць ваша сэрца і вы ведаеце дзесяць розных спосабаў, як растлумачыць замежніку, дзе знаходзіцца Беларусь, хутчэй за ўсё вы беларус, і вы, напэўна, гучна засмяецеся, калі пазнаеце ў гэтай кнізе сябе і сваіх землякоў", — тлумачаць аўтары сутнасць кнігі.

А вось калі паглядзець на Беларусь вачыма замежніка, будзе не да смеху.

Так, напрыклад, дызайнер з Чыкага Джына Біб стварыла серыю лялек — прадстаўніц дзевяці самых бедных і няшчасных краінаў свету. Сярод іх — беларуска. Што дрэнна — сярод іншых бедных краін — Эфіопія, Індыя, Лаос, і такое суседства іміджу Беларусі не на руку. Што добра — даляр ад продажу кожнай лялькі ідзе на падтрымку беларускіх дзяцей.

© Photo : з сайта дызайнера heartforheartdollsЛялька-беларуска з калекцыі heartforheartdolls
Лялька-беларуска з калекцыі heartforheartdolls - Sputnik Беларусь
Лялька-беларуска з калекцыі heartforheartdolls

Тут успомнім нашумелае некалькі гадоў таму фэнтэзі амерыканскай пісьменніцы "Беларусь", у якім гэтым імем названа планета ў глыбокім космасе. Планету засяляюць монстры. Ці варта пасля гэтага разважаць, ці мае патрэбу імідж Беларусі ў перапрацоўцы?

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі