МІНСК, 14 ліс — Sputnik. Брытанскі дылер Talacrest выставіў на таргі вельмі рэдкі спорткар Ferrari 250 GTO, які з'яўляецца самым дарагім аўтамабілем у свеце, перадае выданне The Telegraph.
Лот 1962 года выпуску абсталяваны трохсотмоцным дванаццаціцыліндровым рухавіком і разганяецца да "сотні" за шэсць секунд.
Паведамляецца, што дадзены асобнік браў удзел у галоўных аўтаспартыўных падзеях абодвух кантынентаў — "12-й гадзіне Себрінга" і "24 гадзіны Ле-Мана". Прычым дадзены асобнік стаў пераможцам сутачнага марафону на кальцы Сартэ ў сваёй катэгорыі.
Стартавы кошт аўтамабіля складае 45 мільёнаў брытанскіх фунтаў. Усяго з 1962 да 1964 года выпусцілі 39 Ferrari 250 GTO. Новы аўтамабіль у ЗША ў тыя часы каштаваў 18 тысяч долараў, а пакупніка гэтага рэдкага аўтамабіля ўхваляў сам кіраўнік кампаніі-вытворцы спорткараў — Энца Ферары.
