Сусветны тыдзень прадпрымальніцтва стартаваў у Беларусі

© SputnikУ гасцініцы "Рэнесанс"
У гасцініцы Рэнесанс - Sputnik Беларусь
З 14 па 20 лістапада ў Мінску ў рамках Тыдня прадпрымальніцтва пройдзе больш за 30 мерапрыемстваў, падчас якіх прадстаўнікі бізнесу падзеляцца вопытам і ацэняць эфектыўнасць сучасных бізнес-стратэгій.

МІНСК, 14 ліс — Sputnik. Сусветны тыдзень прадпрымальніцтва адкрыўся ў панядзелак у гатэлі "Рэнесанс" у Мінску, яго тэмай на гэты раз стане інавацыйнае мысленне, паведамілі Sputnik у аргкамітэце форуму.

Плануецца, што ў рамках Тыдня прадпрымальніцтва, які завершыцца 20 лістапада, у беларускай сталіцы пройдзе больш за 30 мерапрыемстваў, падчас якіх звыш двух тысяч удзельнікаў падзеляцца вопытам паспяховага вядзення бізнесу, абмяркуюць тактыку працы на вынік і ацэняць эфектыўнасць сучасных стратэгій у дзелавым свеце.

Акрамя таго, як паведамілі Sputnik у Міністэрстве эканомікі, на гэты раз у рамках Тыдня прадпрымальніцтва будзе працаваць новы фармат партнёрства бізнесу і ўлады — GovTech Хакатон. На гэтай пляцоўцы прадстаўнікі органаў дзяржкіравання, прадпрымальнікі і IТ-прафесіяналы будуць разам працаваць над павышэннем эфектыўнасці адміністрацыйных працэдур, паляпшэннем гарадской інфраструктуры і стварэннем новых інструментаў падтрымкі бізнесу.

У прыватнасці, яны будуць займацца такімі пытаннямі, як інфарматызацыя адміністрацыйных працэдур (для стварэння электроннага ўрада), распрацоўкай новых фінансавых прадуктаў для малога і сярэдняга бізнесу, распрацоўкай платформы для камунікацыі ўлады і бізнесу і інш.

У праграме тыдня прадпрымальніцтва таксама VI Міжнародны форум прадпрымальніцтва, стартап-канферэнцыя, дзіцячы фестываль "Я — будучы прадпрымальнік", цырымонія ўзнагароджання пераможцаў конкурсу "Прадпрымальнік года" і іншыя мерапрыемствы.

Акрамя таго, Банк развіцця Беларусі анансуе новыя прадукты для падтрымкі прадпрымальніцтва. Чакаецца, што ўдзельнікамі Сусветнага тыдня прадпрымальніцтва ў Беларусі стануць госці з Эстоніі, Фінляндыі, ЗША, Ізраіля і іншых краін.

Сусветны тыдзень прадпрымальніцтва праводзіцца ў больш чым 160 краінах свету. Беларусь далучылася да правядзення Сусветнага тыдня прадпрымальніцтва ў 2011 годзе і стала 137 краінай-удзельніцай найбуйнейшай прадпрымальніцкай ініцыятывы ў свеце.

Стужка навiн
0
Спачатку новыяСпачатку старыя
loader
У эфіры
Заголовок открываемого материала