Беларусь за восем-дзевяць месяцаў 2016 года страціла каля 3 млрд долараў на дэвальвацыі расійскага рубля, паведаміў прэзідэнт Аляксандр Лукашэнка на прэс-канферэнцыі для расійскіх журналістаў і блогераў. Ён таксама заявіў, што рынак не заўжды можа адрэгуляваць сам сябе, і што ў Беларусі "рынак — гэта жулікі, перш за ўсё".
Загадчык кафедры фінансаў Міжнароднага ўніверсітэта МІПСА Вячаслаў Ярашэвіч згодны са сцвярджэннем прэзідэнта Беларусі Аляксандра Лукашэнкі аб тым, што рынак не заўжды можа адрэгуляваць сам сябе.
"Тое, што рынак не адрэгулюецца сам — гэта цалкам дакладна, асабліва ва ўмовах сённяшняй трансфармацыі, або іншымі словамі — працэсы, якія ідуць з канца 80-х постсацыялістычных пераўтварэнняў, мэтай якіх заяўлена пабудова рыначнай эканомікі. На самай справе мы будуем, на жаль, капіталістычную эканоміку, але дзякуй Богу, што ў Беларусі яна хоць бы сацыяльна арыентаваная", — сказаў Ярашэвіч.
Ён нагадаў, што "рынак — гэта інстытуты, а інстытуты не ствараюцца хутка і проста".
Поўную версію размовы Вячаслава Шарапава з эканамістам Вячаславам Ярашэвічам слухайце ў аўдыёзапісе.
