МІНСК, 23 ліс — Sputnik. Збудаванне галоўнай ёлкі краіны на Кастрычніцкай плошчы ў Мінску працягваецца — у сераду тут адбылася ўстаноўка каркаса, паведамляе карэспандэнт Sputnik.
Узводзіць ёлку будуць доўга: цалкам яна павінна быць гатова да 10 снежня. Тады 34-метровае збудаванне паўстане ва ўсёй красе: з шарамі, якія свецяцца нават удзень, элементамі нацыянальнага арнаменту ды іншымі ўпрыгожваннямі.
Пачалося стварэнне галоўнай навагодняй ёлкі ў аўторак: тады спецыялісты падрыхтавалі прастору для ўпрыгожвання. Ужо ў сераду на Кастрычніцкай плошчы пачалі ўсталёўваць каркас будучай ёлкі.
Згодна задуме дызайнераў і чыноўнікаў, свяціцца ёлка цяпер будзе нават удзень — дзякуючы асаблівым упрыгожванням. Таксама для ёлачных цацак будзе выкарыстаны нацыянальны арнамент, а па баках ад ёлкі з'явяцца вялікія шары, якія свецяцца.
