МІНСК, 23 ліс — Sputnik. Супрацоўнікі Віленскай тэрытарыяльнай мытні затрымалі турыстычны аўтобус з латвійскімі турыстамі, які ехаў з Беларусі: у транспартным сродку было схавана 5 тысяч пачкаў кантрабандных беларускіх цыгарэт, паведаміла прэс-служба мытні Літвы.
Увечары 20 лістапада на кантрольна-прапускны пункт "Мядзінінкай" прыбыў заказны пасажырскі аўтобус, на ім з падарожжа па святых мясцінах Беларусі вярталіся жыхары Латвіі.
Падчас праходжання мытнага кантролю за сядзеннем вадзіцеля, грамадзяніна Латвіі, мытнікі выявілі незадэклараваныя цыгарэты, таму было вырашана старанна праверыць аўтобус з дапамогай сістэмы рэнтгенаўскага кантролю. У выяўленых у падлозе і багажным аддзяленні схованках было схавана пяць тысяч пачак цыгарэт агульным коштам больш за 13 тысяч еўра.
Кіроўца прызнаўся, што нелегальны груз належыць яму. Па факце кантрабанднай перавозкі распачата расследаванне.
