МІНСК, 28 ліс — Sputnik. Кіраўнік прадстаўніцтва Еўрасаюза ў Беларусі Андрэа Віктарын ў эфіры тэлеканала "Беларусь 1" адмовілася параўноўваць выкананне правоў чалавека ў Беларусі і Украіне.
Журналіст спытаў у Віктарын пра перспектыву распрацоўкі базавага пагаднення паміж ЕС і Беларуссю — да гэтага часу бакі кіруюцца заканадаўствам, прынятым яшчэ пры СССР. Пасол ЕС адзначыла, што пытанне будзе прасоўвацца ў залежнасці ад рэалізацыі вострых для Еўрасаюза пытанняў: захавання правоў чалавека і смяротнага пакарання.
"Мы хацелі б пачаць такія перамовы, але Беларусь павінна выканаць некаторыя ўмовы. Трэба разумець, што выніковае рашэнне па гэтых пытаннях прымае Савет Еўрапейскага саюза і Еўрапейскі парламент. Там задаюць пытанні адносна правоў чалавека і смяротнага пакарання", — сказала прадстаўнік ЕС.
Беларусь з'яўляецца адзінай краінай у Еўропе, дзе прымяняецца смяротнае пакаранне. У 1996 годзе пытанне аб адмене смяротнага пакарання выносілся на агульнанацыянальны рэферэндум. За захаванне гэтага віду пакарання тады прагаласавалі амаль 80,5% прыняўшых у дзел у плебісцыце. Наяўнасць смяротнага пакарання называецца асноўнай перашкодай для аднаўлення Беларусі ў статусе спецзапрошанага ў ПАСЕ.
Журналіст тэлеканала пацікавіўся ў дыпламата, ці горш ідуць справы з правамі чалавека ў Беларусі, чым у ваюючай Украіне.
"Я не буду каментаваць гэта", — заявіла Віктарын. Базавая дамова паміж ЕС і РБ часова не абмяркоўваецца. У той жа час, бакі вядуць перамовы па спрашчэнні візавага рэжыму і рэадмісіі.
