БРЭСТ, 30 ліс — Sputnik, Дзмітрый Босак. Урачыста запаліць навагоднюю прыгажуню плануецца 17 снежня, паведаміў генеральны дырэктар КУМПП "Брэсцкая гарадская ЖКГ". Як і ў мінулым годзе, гарадскія службы сакрэтнічаюць аб падрыхтоўцы Брэста да свята і рыхтуюць навагоднія сюрпрызы. "Будзе ўсё, што і ў мінулым годзе, але крыху па-іншаму. На плошчы ўсталююць карэту. Астатняе — вялікія сюрпрызы", — распавёў гендырэктар брэсцкай ЖКГ Ігар Сільчанка.
Акрамя ёлкі на плошчы Леніна, спецыялісты КУП "Брэсцкае ДЭП" таксама вядуць мантаж навагодніх дрэў у мікрараёнах.
У мінулым годзе галоўная ёлка абнавіла святочны ўбор. Акрамя таго, на вуліцы Пушкінскай з'явіўся светлавы тунэль, створаны з гірлянд, а на плошчы ўсталявалі светлавыя канструкцыі, кожная з якіх атрымала сваю ўласную назву: "Падарунак", "Піраміда", "Мячык", "Цукерка", "Юла".
Гірляндамі таксама былі аформленыя дрэвы на вуліцы Савецкай, дзе ўсталяваны газавыя ліхтары. На бульвары Касманаўтаў прызямлілася "марсіянская" ёлка, а на бульвары Шаўчэнкі ўжо некалькі гадоў запальваюць дрэвы-дзьмухаўцы.
Завяршыць усе работы па ўпрыгожванні горада плануецца да 16 снежня.
