Невядомыя намалявалі свастыку на помніку ахвярам фашызму ў Пінску

© Sputnik / Sputnik / Перайсці ў медыябанкГваздзікі і свечка, архіўнае фота
Гваздзікі і свечка, архіўнае фота - Sputnik Беларусь
Падпісацца
Мемарыяльны знак стаіць на месцы былога гета, на тэрыторыі якога ў час Вялікай Айчыннай вайны нямецкія акупанты праводзілі масавыя расстрэлы габрэяў, цыганоў, савецкіх партызан і падпольшчыкаў.
БРЭСТ, 30 ліс — Sputnik. Супрацоўнікі праваахоўных органаў праводзяць праверку па факце апаганьвання помніка ахвярам фашызму, усталяванага на вуліцы Пушкіна ў Пінску, паведамілі ў Пінскім ГАУС.
Невядомыя нанеслі выяву свастыкі чорнай фарбай на мемарыяльную дошку помніка.

"Устанаўліваюцца абставіны дадзенага правапарушэння і асобы, якія гэта ўчынілі. Працуе следча-аператыўная група", — распавялі ў ГАУС.
Мемарыяльны знак стаіць на месцы былога гета, на тэрыторыі якога ў час Вялікай Айчыннай вайны нямецкія акупанты праводзілі масавыя расстрэлы габрэяў, цыганоў, савецкіх партызан і падпольшчыкаў. На помніку ўсталяваная шыльда пра тое, што прычыненне шкоды караецца па законе.
Падобнае злачынства было здзейснена 19 лістапада ў Магілёве — тады чорнай фарбай быў абліты камень-помнік "У памяць аб габрэях Магілёва — ахвярах нацызму". Зламыснікаў — чатырох скінхэдаў — затрымалі праз тры дні.
Стужка навiн
0