Жыхарка Канады купіла паголенага ката па цане сфінкса

© Photo : Shaniya Jade Yung / Facebook"Сфінкс" ператвараецца ў звычайнага катка
Сфінкс ператвараецца ў звычайнага катка - Sputnik Беларусь
Падпісацца
Канадка набыла кацяня праз інтэрнэт: прадаўцы, якія прадставіліся заводчыкамі канадскіх сфінксаў, даставілі жывёлу ёй дадому.

МІНСК, 30 ліс — Sputnik. Жыхарка правінцыі Альберта (Канада) набыла за 700 долараў ЗША паголенага ката, якога выдалі за пародзістую жывёлу, паведаміла выданне Metro.

Паведамляецца, што канадка набыла кацяня праз інтэрнэт: прадаўцы, якія прадставіліся заводчыкамі канадскіх сфінксаў, даставілі жывёлу ёй дадому.

Па словах уладальніцы гадаванца, на выгляд кацяню каля васьмі тыдняў, але яно не змагло паладзіць з другой коткай, таму жанчына прадала ката.

Новая гаспадыня адвезла ката да ветэрынара праз тое, што кацяня пастаянна мерзла. Акрамя таго, жанчына знайшла на яго скуры невялікія драпіны. Пасля агляду ката ветэрынар заявіў, што кацяня было альбо паголенае, альбо яго шэрсць выдалілі пры дапамозе адмысловага крэму.

Як піша газета, праз тыдзень у кацяняці вырасла рудая поўсць.

Стужка навiн
0