МІНСК, 1 сне — Sputnik. Дзяржаўтаінспекцыя з 1 снежня ўзмоцніць кантроль за "непереобутыми" вадзіцелямі: штраф за летнюю гуму — адна базавая велічыня, за паўторнае парушэнне — ад двух да пяці, паведамілі Sputnik ва УДАІ ГУУС Мінгарвыканкама.
З 1 снежня па 1 сакавіка, згодна з правіламі дарожнага руху, на легкавых і грузавых аўтамабілях павінны быць устаноўлены зімовыя шыны з адпаведнай маркіроўкай і вышынёй малюнка пратэктара не менш за 4 мм.
"Традыцыйна з 1 снежня мы ўзмацняем кантроль за выкананнем гэтага пункта ПДР. Яго невыкананне пацягне за сабой накладанне штрафу", — распавялі ў сталічнай Дзяржаўтаінспекцыі.
Суразмоўцы агенцтва нагадалі, што пры першым парушэнні вадзіцель заплаціць да адной базавай велічыні (21 рубель). За паўторнае на працягу года парушэнне памер штрафу значна вырасце — ад двух да пяці базавых велічынь. Дарэчы, з 1 студзеня БВ складзе 23 рубля.
А калі язда без зімовых шын стала прычынай аварыі і ў ёй чалавек (або маёмасць) пацярпеў, кіроўца атрымае штраф ад 63 да 630 рублёў або пазбавіцца правоў на тэрмін да 2 гадоў.
У ДАІ заўважылі, што кіроўцы могуць выкарыстоўваць шыны з "альпійскім значком", а таксама абрэвіятурай M + S або All Seasons.
