МІНСК, 1 сне — Sputnik. Песні фіналістаў нацыянальнага адбору на конкурс песні "Еўрабачанне" — у спецыяльным аглядзе Sputnik.
Імёны фіналістаў адбору на "Еўрабачанне" былі агучаны ў эфіры тэлеканала "Беларусь 1" увечары ў сераду. У спісе шчасліўчыкаў — 13 выканаўцаў і груп, большасць конкурсных песень якіх раней не былі прадстаўлены публіцы.
Sputnik падрыхтаваў агляд песень-фіналістаў — вы можаце паслухаць іх у запісах анлайн-трансляцыі праслухоўванняў.
Аляксандра Ткач
Выхаванка школы сучаснага вакальнага мастацтва Веранікі Яноўскай, Аляксандра Ткач ужо ўдзельнічала ў шматлікіх конкурсах і перамагала. На праслухоўваннях яна запомнілася сваім моцным голасам і пяшчотнай песняй "Be stronger".
KATTIE
У свеце вядомая як Кацярына Рудніцкая, дзяўчына ўжо другі год штурмуе адбор на "Еўрабачанне". Яе песня ў гэты раз — "Wild wind" — сапраўдная "дыснэеўская" балада.
Уладзіслаў Курасаў
У першую чаргу Курасаў вядомы як удзельнік украінскага тэлешоў "Х-Фактар-2" і адбору на "Еўрабачанне-2016" ад Украіны. Яго песня — "Follow the play".
Група NAVI
Група Арцёма і Ксеніі Лук'яненка ўжо мае армію прыхільнікаў — яны ўмеюць спяваць на беларускай мове так, каб пад гэта можна было танцаваць і ў клубе. Таксама ўдзельнічалі ў адборы мінулага года і таксама выйшлі ў фінал. Паглядзім, ці дапаможа ім "Гісторыя майго жыцця".
Анжаліка Пушнова
Дзяўчына спявае не так даўно, хоць шырокай публіцы вядомая не была. Зараз Пушнова вучыцца на журфаку, а заадно будуе планы на "Еўрабачанне" — падчас адбору ёй дапамагаў Кірыл Ермакоў (які напісаў песню "We should be together") і ўдзельніца дзіцячага "Еўрабачання-2011" Лідзія Заблоцкая.
ISAAK NIGHTINGALE
Пад гэтым псеўданімам хаваецца ўдзельнік расійскага "Голасу" Вадзім Капусцін. З усіх фіналістаў адбору ён — самы старэйшы, і дакладна можа пахваліцца вопытам вялікіх выступаў. У адборы Капусцін удзельнічае з песняй "On the Red Line".
Анастасія Шэвэрэнка
Дзяўчына ўдзельнічала ў беларускай "Акадэміі талентаў", а на адбор адправілася пад заступніцтвам прадзюсара Максіма Алейнікава. Ён ёй і напісаў кранальную песню "We should be together".
Іюль
Іюль — псеўданім спявачкі Юліі Каранюк, таксама вядомай дзякуючы "Акадэміі талентаў". Яе песня для "Еўрабачання" — бадзёрая "Children of The World".
NUTEKI
Адны з самых вядомых удзельнікаў адбору — у гурта Nuteki таксама процьма фанатаў. У фінал адбору яны прайшлі з рок-песняй "Take My Нeart". Гэты адбор для групы стаў ужо чацвёртым.
NAPOLI
Некалі група, а цяпер Napoli — сольны праект Вольгі Шыманскай. Яна адмовілася ад балад і выбрала для сябе запальную песню "Let's Come Together", якую напісалі еўрапейскія аўтары.
LERMONT x JULIC
Васіль Селішчаў і Антон Рубацкі прадставілі песню "Heart beat" — вядома ж, кампазіцыя пра каханне. Выступаюць спевакі разам ужо не першы раз — яны перыядычна даюць канцэрты ў розных установах.
Група PROвакацыя
Спрабавалі ўдзельнічаць у адборы Арцём Саладуха і Марк Вайтко і ў папярэднія гады, але так далёка не даходзілі. Поспех у адборы на "Еўрабачанне-2017" ім прынесла песня "My love".
Мікіта Ходас
На сцэне Ходас ужо тры гады — тэрмін не такі ўжо і вялікі, але голас артыста спадабаўся многім журналістам і членам журы. У песні "Voice in My Head" ён не толькі спявае, але і зачытвае літаратуру.
Фінал адбору на "Еўрабачанне-2017" адбудзецца да 25 студзеня.
Сачыце за самымі цікавымі і важнымі падзеямі ў паблік-акаўнце Viber >>
