МІНСК, 1 сне — Sputnik. Больш за 110 мерапрыемстваў пройдуць у Мінску ў пераднавагоднія і калядныя дні, распавёў у чацвер на прэс-канферэнцыі ў Мінску намеснік начальніка Упраўлення ідэалагічнай работы, культуры і па справах моладзі Мінгарвыканкама Аляксандр Шастакоў.
Адным з найбольш яркіх мерапрыемстваў стане навагодняе тэатралізаванае шэсце Дзядоў Марозаў і Снягурак, якое пачне свой рух 24 снежня ў 17:30 з плошчы Незалежнасці.
"Шэсце будзе праходзіць па праспекце Незалежнасці, паверне на вуліцы Леніна і дойдзе да плошчы Свабоды, дзе ўсе патрапяць у чароўную краіну выканання жаданняў, тут адбудзецца светлавое піратэхнічнае шоў з цікавым прадстаўленнем", — распавёў Шастакоў.
Акрамя таго, у гарадской Ратушы з 24 снежня па 5 студзеня і з 11 па 21 у рамках праекта "У гасцях у Дзеда Мароза" наведвальнікаў будуць сустракаць і віншаваць галоўныя навагоднія персанажы.
У навагоднюю ноч галоўнай пляцоўкай святкавання стане прастора каля Палаца спорту. Праграма пачнецца ў 23:00 і працягнецца да 4 раніцы. Па словах Шастакова, мяркуецца выступ зорак беларускай эстрады.
"Праграма будзе цікавая", — паабяцаў ён.
У 01:30 каля Палаца спорту прабразгае феерверк. Усю ноч на пляцоўцы будзе працаваць кірмаш "Калядны кiрмаш".
Акрамя таго, святочныя мерапрыемствы ў пераднавагоднія дні запланаваны ва ўсіх раёнах сталіцы.
