ДАІ: ад "ляжачых паліцэйскіх" у Мінску не адмовімся

© Sputnik / Виктор ТолочкоСнег
Снег - Sputnik Беларусь
Падпісацца на
НовостиTelegram
Штучных няроўнасцяў пры гэтым стане менш - спецыялісты будуць "супакойваць" рух таксама метадам звужэння дарог і іншымі спосабамі.

МІНСК, 2 сне — Sputnik. "Ляжачых паліцэйскіх" у сталіцы будзе станавіцца менш, аднак цалкам адмаўляцца ад іх не плануюць, распавёў Sputnik намеснік кіраўніка аддзела тэхнічных сродкаў і сістэм УДАІ ГУУС Мінска Віктар Урбановіч.

Многія вадзіцелі чакаюць знікнення "ляжачых паліцэйскіх" — па іх словах, часта з-за іх пакутуюць падвеска і тормазы. У красавіку мінулага года ў ДАІ заяўлялі, што з часам такая мера "заспакаення" аўтамабільнага патоку знікне. Аднак пазней у ведамстве заўважылі, што цалкам адмаўляцца ад штучных няроўнасцяў не будуць.

"Мы паступова будзем ад іх сыходзіць, але не цалкам адмаўляцца. Гэта значыць штучных няроўнасцяў стане менш, затое будзе часцей выкарыстоўвацца звужэнне дарог — гэты метад зарэкамендаваў сябе ў Еўропе. Больш укараняюцца і так званыя прыўзнятыя пераходы — яны таксама лічацца штучнымі няроўнасцямі", — распавёў Урбановіч.

Па словах суразмоўцы Sputnik, "ляжачыя паліцэйскія" выкарыстоўваюцца па ўсім свеце і яны зарэкамендавалі сябе як досыць эфектыўны метад "заспакаення" дарожнага руху.

"Цалкам адмаўляцца пакуль няма сэнсу", — сказаў на заканчэнне суразмоўца Sputnik.

Стужка навiн
0