МІНСК, 5 сне — Sputnik. Расійская авіякампанія "Аэрафлот" адмяніла выкананне вячэрняга рэйса з Масквы ў Мінск з вылетам з аэрапорта Шарамеццева, паведамілі Sputnik у прэс-службе Нацыянальнага аэрапорта Мінск.
З-за непагадзі ў маскоўскіх аэрапортах у панядзелак больш за 50 рэйсаў адменены, яшчэ 10 рэйсаў затрыманыя. Па прагнозах Гідраметцэнтра РФ, у панядзелак у Маскве чакаецца воблачнае надвор'е, высокая верагоднасць ападкаў — прагназуецца снег.
"Адменены рэйс "Аэрафлота" з Шарамеццева вылетам а 21:30. Гэта звязана з дрэннымі метэаўмовамі ў маскоўскім аэрапорце. Увечары там чакаецца завіруха", — паведамілі ў прэс-службе. Там адзначылі, што ў панядзелак Нацыянальны аэрапорт Мінск працуе ў штатным рэжыме, усе рэйсы прыбываюць і адпраўляюцца своечасова. Па прагнозах беларускіх сіноптыкаў, у панядзелак у Мінску чакаецца слабы снегапад.
