МІНСК, 5 сне — Sputnik. Крым гатовы прыняць песенны конкурс "Еўрабачанне-2017" у выпадку немагчымасці правесці шоў у Кіеве, паведамляе РІА "Новости".
Дэпутат Дзярждумы ад крымскага рэгіёну Руслан Бальбек распавёў, што ў Крыму ёсць усе неабходныя ўмовы для правядзення конкурсу, уключаючы забеспячэнне бяспекі.
Раней нямецкі таблоід Bild са спасылкай на свае крыніцы паведамляў, што арганізатары міжнароднага песеннага конкурсу вядуць перамовы аб магчымым пераносе "Еўрабачання-2017" у Расію.
Рашэнне аб правядзенні шоу "Еўрабачанне-2017" у Кіеве Еўрапейскі вяшчальны саюз (ЕВС) прыме на генеральнай асамблеі 8 снежня. Нявызначанасць у месцы правядзення конкурсу звязана з фінансавымі праблемамі, з якімі сутыкнулася Украіна пры падрыхтоўцы да "Еўрабачання". Аднак згодна з планамі ўкраінскіх арганізатараў, фінал міжнароднага песеннага форуму дакладна пройдзе 13 мая ў Кіеве.
ЕВС раней папярэджваў Кіеў, што можа адабраць у Украіны права правядзення "Еўрабачання" з-за фінансавых і бюракратычных затрымак, а таксама няўважлівага стаўлення ўладаў да падрыхтоўкі конкурсу.
На "Еўрабачанні-2016" у Стакгольме перамагла ўкраінская выканаўца Джамала. Другое месца дасталася прадстаўніку Аўстраліі, трэцяе — расійскаму спеваку Сяргею Лазараву. Калі Украіна не зможа прыняць "Еўрабачанне", конкурс павінны будуць перанесці ў Расію, бо згодна з правіламі фінал можа праходзіць толькі на тэрыторыі Еўропы, куды Аўстралія не ўваходзіць.
