Алена Мікульчык не толькі распавяла пра ўнікальныя стравы зімовай беларускай кухні, але і пачаставала вядучага радыё Sputnik Беларусь традыцыйнай беларускай закускай — яблычным сырам.
Беларуская кухня, насуперак ходкай думцы, адрозніваецца збалансаванай і прадуманай разнастайнасцю. На прыкладзе беларускага каляднага меню мы можам у гэтым пераканацца.
"На стале павінна быць абавязкова 12 страў — па колькасці каляндарных месяцаў ці па ліку апосталаў. У гэтым галоўны сакральны сэнс каляднага застолля", — распавяла шэф-кухар.
Яна распавяла, што каляднае застолле заўсёды пачынаецца з куцці, а сканчаецца заўсёды аўсяным кісялём. "Гэта эліксір здароўя і прыгажосці, а таксама прыродны касметолаг", — кажа Алена.
Поўную версію размовы слухайце ў аўдыёзапісе радыё Sputnik Беларусь.
