МІНСК, 8 сне — Sputnik. Тэндэр на распрацоўку праектна-каштарыснай дакументацыі па рэканструкцыі фантана і добраўпарадкаванні плошчы Францыска Скарыны ў Полацку абвешчаны КУП "ЖКГ г. Полацка", кошт тэндэру складае 60 тысяч рублёў, паведаміў рэсурс "Народныя навіны Віцебска".
Згодна з умовамі тэндэру, праектнае рашэнне па рэканструкцыі фантана варта выканаць у кантэксце забудовы плошчы.
Ва ўмовах адзначана, што канцэпцыя павінна быць цікавай і падкрэсліваць архітэктуру фасада гасцініцы "Дзвіна", размешчанай на плошчы Францыска Скарыны.
Праектна-каштарысная дакументацыя павінна быць распрацавана за два месяцы, пры гэтым месяц адведзены на праходжанне экспертызы.
Фінансаванне падрыхтоўкі пакета дакументаў праводзiцца за кошт бюджэту Полацкага раёна.
